Пошук

Пад Мінскам пройдзе семінар «Магчымасці і перспектывы ўдзелу прыходаў у экалагічнай дзейнасці»

26 чэрвеня 2017

Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, 4 ліпеня 2017 года ў доме міжцаркоўных зносін «Кінанія» (пасёлак Калодзішчы, вул. К. Астрожскага, 4, Мінскі раён) пройдзе семінар «Магчымасці і перспектывы ўдзелу царкоўных прыходаў у экалагічнай дзейнасці».

Семінар прысвечаны магчымасцям і перспектывам удзелу прыходаў у экалагічнай дзейнасці, у адпаведнасці з дакументамі «Пазіцыя Рускай Праваслаўнай Царквы па актуальных праблемах экалогіі» і «Метадычныя рэкамендацыі аб удзеле Рускай Праваслаўнай Царквы ў прыродаахоўнай дзейнасці».

Арганізатарам семінара з'яўляецца рабочая група Беларускай Праваслаўнай Царквы па рэалізацыі Праграмы супрацоўніцтва паміж БПЦ і Міністэрствам прыродных рэсурсаў і аховы навакольнага асяроддзя Рэспублікі Беларусь пры падтрымцы Цэнтра экалагічных рашэнняў.

На семінар запрашаюцца прадстаўнікі епархий, прыходаў і зацікаўленых моладзевых брацтваў, выкладчыкі нядзельных школ, актыўныя прыхаджане.

Асаблівая ўвага на семінары будзе нададзена разгляду канкрэтных царкоўна-экалагічных мерапрыемстваў і ініцыятыў, ажыццёўленых і зарэкамендаваўшых сябе на тых ці іншых прыходах. Удзельнікі семінара даведаюцца аб тым, як арганізаваць на прыходзе адукацыйную экалагічную выставу, правесці дзень малітвы аб Божым тварэнні, экалагічны фестываль, заняць дзяцей і моладзь, выхоўваючы ў іх беражлівыя адносіны да чалавека і прыроды. Для ўдзельнікаў будзе арганізавана дэманстрацыя розных экалагічных і энергаэфектыўных тэхналогій, якія працуюць у доме міжцаркоўных зносін «Кінанія», выкарыстанне якіх можа прадстаўляць цікавасць для царкоўных абшчын.

Удзел у семінары бясплатны. У асобных выпадках і пры неабходнасці для іншагародніх удзельнікаў магчыма пакрыццё транспартных выдаткаў, а таксама арганізацыя начлегу ў доме міжцаркоўных зносін «Кінанія».

Апошні тэрмін рэгістрацыі: 30 чэрвеня 2017 года.

Рэгістрацыя ўдзельнікаў па тэлефоне:

+375 29 2527145 (Сяргей Юшкевіч) або электроннай пошце: yushkevich@ecoidea.by

Папярэдняя праграма семінара

Творение.by / Church.by