Рус / Бел

Падпісаны Дагавор аб супрацоўніцтве паміж Полацкай епархіяй Беларускай Праваслаўнай Царквой і Полацкім дзяржаўным універсітэтам

22 кастрычніка 2021

top.jpg

21 кастрычніка 2021 года ў Полацкім дзяржаўным універсітэце адбылася ўрачыстая цырымонія падпісання Дамовы аб супрацоўніцтве паміж Полацкай епархіяй Беларускай Праваслаўнай Царквы і Полацкім дзяржаўным універсітэтам. Дагавор падпісалі епіскап Полацкі і Глыбоцкі Ігнацій і рэктар Полацкага дзяржаўнага ўніверсітэта Алег Аляксандравіч Раманаў.

На цырымоніі прысутнічалі прадстаўнікі Полацкай епархіі і ПДУ.

Праграма супрацоўніцтва ўключае мерапрыемствы ў галіне адукацыі, якія накіраваны на:

  • выхаванне маральна сталай, духоўна развітай асобы, здольнай усведамляць сваю адказнасць за лёс краіны, грамадства, навакольнага свету, захоўваць і перадаваць культурную спадчыну свайго народа;
  • кансалідацыю намаганняў Полацкага дзяржаўнага ўніверсітэта, грамадскіх арганізацый і Полацкай епархіі Беларускай Праваслаўнай Царквы для выкарыстання патэнцыялу праваслаўных традыцый і каштоўнасцяў у фарміраванні асобы чалавека, духоўна-маральным і патрыятычным выхаванні дзяцей і моладзі, у карэкцыі паводзін і сацыяльнай падтрымцы маладых людзей з дэвіянтнымі паводзінамі, якія маюць патрэбу ў асаблівых умовах выхавання;
  • правядзенне сумесных навуковых даследаванняў па духоўна-маральнай, рэлігійна-філасофскай, псіхолага-педагагічнай, царкоўна-гістарычнай і культуралагічнай тэматыцы.

Па заканчэнні дзелавой сустрэчы для гасцей Полацкай епархіі правялі экскурсію па Полацкім калегіуме і пазнаёмілі гасцей з багатай гісторыяй найстарэйшай ВНУ краіны.

Полацкая епархія/Church.by