Пошук

Віншавальны адрас членаў Сінода Беларускай Праваслаўнай Царквы мітрапаліту Мінскаму і Заслаўскаму Веніяміну, Патрыяршаму Экзарху ўсяе Беларусі, з днём тэзаімянін

13 жніўня 2021

 

 

Яго Высокапраасвяшчэнству

Высокапраасвяшчэннейшаму Веніяміну,

Мітрапаліту Мінскаму і Заслаўскаму,

Патрыяршаму Экзарху ўсяе Беларусі

 

Ваша Высокапраасвяшчэнства,

дарагі Уладыка і міласэрны Айцец!

 

Ад імя Сінода Беларускай Праваслаўнай Царквы, клірыкаў, манахаў і міран сардэчна віншуем Вас з днём вашых тэзаімянін.

У гэты ўрачысты дзень мы ўзносім свае гарачыя малітвы да Госпада аб дараванні Вам цялесных і духоўных сіл, благадатнай дапамогі звыш і поспеху ў працы на карысць Беларускай Царквы і яе паствы.

Вы былі пастрыжаны ў манаства з нарачэннем імя Веніямін ў гонар свяшчэннамучаніка Веніяміна, мітрапаліта Петраградскага і Гдоўскага, які прыняў Петраградскую кафедру ў трагічным 1917 годзе і свой свяціцельскі сан успрымаў як абавязак пастырскага подзвігу.

Вы былі абраны мітрапалітам і прызначаны кіраўніком Беларускага Экзархату ў неспакойныя для нашай краіны дні, і падобна вашаму тэзаімянітаму заступніку вырашылі аддаліцца ад палітычных сварак і засяродзіцца на тым, што з'яўляецца сапраўдным пакліканнем пастыра: стварэнні міру, царкоўным служэнні, пытаннях духоўнай асветы і справах міласэрнасці.

Для ўсіх нас Вы з'яўляецеся прыкладам нястомнай працы на ніве Хрыстовай. Умацоўваючыся малітвамі свайго нябеснага заступніка, Вы наведваеце шматлікія манастыры і прыходы нашай Айчыны, імкнучыся не абдзяліць сваёй увагай ніякую, нават самую малую абшчыну вернікаў. Для Вас няма малаважных пытанняў і, нягледзячы на сваю загружанасць, кожная праблема, кожны зварот даходзіць да Вас і знаходзіць сваё ўзважанае, прадуманае рашэнне.

Мы ведаем, наколькі блізкія Вы былі нашаму дарагому спачыламу ў Богу мітрапаліту Філарэту, чыя любоў да людзей і міласэрнасць выклікалі ў нас, яго сучаснікаў, пачуццё глыбокай падзякі. Цяпер мы з поўным правам можам лічыць Вас духоўным спадчыннікам спачылага, бо вы атрымалі ў спадчыну не толькі яго кафедру, але і яго міласцівае, добрае стаўленне да людзей, якое не залежыць ні ад статусу, ні ад рангу чалавека.

У гэты радасны дзень мы, дзеці Беларускай Праваслаўнай Царквы, ад усяго сэрца віншуем Вас, дарагі Уладыка, з днём тэзаімянін і малітоўна жадаем, каб Гасподзь захоўваў Вас у здароўі і дастатку на многія і добрыя гады.

Εἰς πολλὰ ἔτη, δέσποτα!