Праваслаўныя добраахвотнікі перадалі Бабруйскаму хоспісу канцэнтратар кіслароду
20 мая 2017
18 мая старшыня Сінадальнага аддзела па царкоўнай дабрачыннасці і сацыяльнаму служэнню Беларускай Праваслаўнай Царквы, настаяцель храма іконы Божай Маці «Усецарыца» протаіерэй Кірыл Шолкаў разам з каардынатарамі прыходскага Добраахвотніцкага руху наведаў горад Бабруйск, дзе прыняў удзел у VI Міжнародным фестывалі падтрымкі сям'і, мацярынства і дзяцінства «Шчасце ў дзецях».
Мэтай фестывалю з'яўляецца прыцягненне грамадскай увагі да традыцыйных сямейных каштоўнасцей, абмен вопытам работы, накіраванай на ўмацаванне інстытута сям'і, павелічэнне нараджальнасці і пераадоленне дэмаграфічнага крызісу.
Пасля гэтага добраахвотнікі разам з протаіерэем Кірылам Шолкавым наведалі Бабруйскі хоспіс, каб перадаць пацыентам і персаналу медыцынскай установы канцэнтратар кіслароду, набыты на сродкі, сабраныя падчас дабрачыннай акцыі «Мілае сэрца. Твая дарога добрых спраў! Бургер Кінг разам з "Дарогай Міласэрнасці — дапамога хоспісам Беларусі"» ў рамках рэалізацыі сумеснага з ААТ "Бургер БК" напрамку дапамогі пад назвай "Дыханне".
Сінадальны аддзел БПЦ па дабрачыннасці дзякуе ўсім, хто прымаў удзел у акцыі і дзякуючы каму стала магчымым набыць ужо чацвёрты канцэнтратар кіслароду для маючых патрэбу пацыентаў у хоспісах Беларусі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
