З 26 чэрвеня па 2 ліпеня на базе Мінскай духоўнай семінарыі будуць праходзіць заняткі Летняга багаслоўскага інстытута

04 мая 2017

top.jpgЗ 26 чэрвеня па 2 ліпеня 2017 года на базе Мінскай духоўнай семінарыі будуць праходзіць заняткі Летняга багаслоўскага інстытута (ЛБІ).

Заняткі ў ЛБІ арыентаваныя на святароў, студэнтаў, выпускнікоў і выкладчыкаў вышэйшых і сярэдніх навучальных устаноў, а таксама на ўсіх, хто жадае павысіць узровень сваіх ведаў у галіне праваслаўнага багаслоўя.

Праграма інстытута ўключае ў сябе інтэнсіўны курс лекцый па цэлым шэрагу дысцыплін, якія будуць весці выкладчыкі Мінскай духоўнай семінарыі. У прыватнасці, расклад ЛБІ ўключае ў сябе наступныя прадметы:

– Багаслоўе Старога Запавету

– Багаслоўе Новага Запавету

– Асновы хрысціянскай веры

– Сучаснае багаслоўе

– Місіялогія

– Гісторыя Царквы

– Расколазнаўства

– Кананічнае права

– Праваслаўе і руская літаратура

– Антрапалогія святых Айцоў

– Гісторыя царкоўнага спеву

– Гісторыя праваслаўнага богаслужэння

– Праваслаўная педагогіка

Акрамя лекцыйнай нагрузкі, праграма інстытута прадугледжвае правядзенне экскурсій, круглых сталоў. Па завяршэнні навучання слухачам ЛБІ выдаецца сертыфікат, які пацвярджае іх удзел у рабоце Летняга багаслоўскага інстытута.

Жадаючыя прайсці навучанне ў Летнім багаслоўскім інстытуце павінны атрымаць рэкамендацыю прыходскага свяшчэнніка або правячага архіерэя (для святароў), запоўніць анкету удзельніка і не пазней за 20 чэрвеня 2017 года даслаць анкету і рэкамендацыю (у адсканіраваным выглядзе) у Мінскую духоўную семінарыю па электроннай пошце LBI-MinDS@yandex.ru альбо на адрас:  231822, Беларусь, Гродзенская вобл., Слонімскі р-н, г.п. Жыровічы, вул. Саборная 55, Мінская духоўная семінарыя — Летні багаслоўскі інстытут.

Колькасць месцаў у ЛБІ абмежаваная. Дадатковая інфармацыя аб навучанні ў ЛБІ будзе паведамлена ўсім удзельнікам па электроннай пошце або па тэлефоне.

МінДС / Church.by