Пошук

Збор прадуктаў харчавання, адзення і сродкаў гігіены для маючых патрэбу праводзіць Сінадальны аддзел па царкоўнай дабрачыннасці і сацыяльнаму служэнню БПЦ [+відэа]

03 лютага 2021

Сінадальны аддзел па царкоўнай дабрачыннасці і сацыяльнаму служэнню БПЦ пачаў рэгулярны прыём просьбітаў для аказання дапамогі.

«Толькі ў першы дзень за дапамогай звярнулася 36 просьбітаў. Гэта людзі, якія апынуліся ў складанай жыццёвай сітуацыі, тыя, хто знаходзіцца за рысай беднасці, а таксама інваліды, пенсіянеры, шматдзетныя сем'і, – распавёў старшыня Сінадальнага аддзела па царкоўнай дабрачыннасці і сацыяльнаму служэнню протаіерэй Кірыл Шолкаў. - Зваротаў паступае больш, чым мы разлічвалі. Каб праект паспяхова працаваў і далей, запрашаем усіх людзей з добрым сэрцам унесці свой уклад, паўдзельнічаўшы ў зборы прадуктаў харчавання, адзення і сродкаў гігіены для маючых патрэбу».

Прадукты і сродкі гігіены прымаюцца па адрасе: вул. Ракаўская, 26 (кабінет 1) кожную пятніцу з 10:00 да 13:00.

Адзенне, абутак, цацкі, кнігі і часопісы, пасцельную бялізну, посуд, бытавую тэхніку і мэблю можна прывозіць па пятніцах з 11:00 да 14:00 і нядзелях з 10:00 да 13:00 па адрасе: горад Мінск, вул. Чыгуначная, 23 Г (тэрыторыя будуемага храма іконы Божай Маці «Усецарыца» і храма ў гонар святога праведнага страстотерпца Яўгена Боткіна).

Усе, хто апынуўся ў цяжкай жыццёвай сітуацыі, могуць звярнуцца па адрасе: вул. Ракаўская, 26 (кабінет 1). Наведвальнікаў тут прымаюць кожны панядзелак (штотыдзень, акрамя выпадаючых на дадзены дзень царкоўных святаў) з 10:00 да 13:00. Пры звароце па дапамогу неабходна мець пашпарт (ці іншы дакумент, які сведчыць асобу) і пацвярджальныя дакументы аб неабходнасці атрымання дапамогі (пасведчанне аб інваліднасці, шматдзетнасці, даведкі аб непрацаздольнасці і г.д.). Дапамога будзе аказвацца па заяўным прынцыпе не часцей 1 разу ў месяц на аднаго чалавека.

Рэчы выдаюцца па пятніцах з 11:00 да 14:00 па адрасе: горад Мінск, вул. Чыгуначная, 23 Г (тэрыторыя храма іконы Божай Маці «Усецарыца» і храма ў гонар святога праведнага страстацерпца Яўгена Боткіна).

Дадатковую інфармацыю можна атрымаць у Сінадальным аддзеле па царкоўнай дабрачыннасці і сацыяльнаму служэнню БПЦ па нумары тэлефона +375 29 710 01 03 (сакратар Жанна), а таксама ў каардынатара склада гуманітарнай дапамогі Наталлі па нумары тэлефона: +375 44 557 02 59 альбо адрасе электроннай пошты: diaconia.by@gmail.com.

Church.by