Пошук

Сінадальны місіянерскі аддзел БПЦ распрацаваў камплект праваслаўных настольных гульняў для сям'і і школы

09 кастрычніка 2021

8 кастрычніка 2021 года ў горадзе Мінску ў рамках інтэнсіў-семінара «Актуальныя трэнды сямейна-дэмаграфічнага развіцця: прычынна-выніковыя сувязі» адбылася прэзентацыя праваслаўных настольных гульняў для сям'і і школы.

Камплект гульняў распрацаваны Сінадальным місіянерскім (асветніцкім) аддзелам Беларускай Праваслаўнай Царквы і выдадзены пры дапамозе Дабрачыннага Фонду падтрымкі сям'і, мацярынства і дзяцінства «Пакроў».

У прэзентацыі прынялі ўдзел старшыня Сінадальнага місіянерскага аддзела Беларускай Праваслаўнай Царквы іерэй Аляксандр Насека і дырэктар дабрачыннага фонду «Пакроў» Наталля Ярашэвіч. Яны распавялі, што ў аснову гульняў ляглі матэрыялы дзіцячага праваслаўнага часопіса «Калыска» за 2009-2018 гады, які выдаецца місіянерскім аддзелам Навагрудскай епархіі. Камплект гульні ўключае ў сябе 16 гульнявых палёў па царкоўнай, духоўна-маральнай, патрыятычнай і спартыўнай тэматыцы. 

Кароткае апісанне і тэматыка гульняў ўтрымліваюцца па спасылцы.

Па пытаннях набыцця гульняў можна звяртацца ў Сінадальны місіянерскі (асветніцкі) аддзел Беларускай Праваслаўнай Царквы і Дабрачынны фонд падтрымкі сям'і, мацярынства і дзяцінства «Пакроў».

Church.by