Пошук

У дзень памяці мучанікаў Нікамідзійскіх Патрыяршы Экзарх узначаліў Літургію ў Жыровіцкім Успенскім манастыры

10 студзеня 2019

10 студзеня 2019 года, у дзень памяці мучанікаў 20 000, у Нікамідзіі ў царкве спаленых, мітрапаліт Мінскі і Заслаўскі Павел, Патрыяршы Экзарх усяе Беларусі; архіепіскап Навагрудскі і Слонімскі Гурый, епіскап Лідскі і Смаргонскі Парфірый, епіскап Бараўлянскі Ігнацій, вікарый Мінскай епархіі, здзейснілі Бажэственную літургію ва Успенскім саборы Жыровіцкага стаўрапігіяльнага мужчынскага манастыра.

Архіпастырам саслужылі: кіраўнік спраў Мінскай Экзархіі архімандрыт Сергій (Брыч), сакратар Мінскай епархіі протаіерэй Андрэй Волкаў, клірыкі епархіі, брація манастыра і выкладчыкі Мінскай духоўнай семінарыі ў свяшчэнным сане.

Богаслужэбныя спевы выканаў мужчынскі хор выхаванцаў Мінскай духоўнай семінарыі пад кіраваннем протадыякана Андрэя Скробата.

Пропаведзь перад Прычасцем прамовіў ігумен Яўсевій (Цюхлоў).

Пасля заамвоннай малітвы архіпастыры і саслужачыя святары здзейснілі слаўленне Ражджаству Хрыстову.

Пасля адпуста Бажэственнай літургіі са словам віншавання да Патрыяршага Экзарха звярнуўся архіепіскап Навагрудскі і Слонімскі Гурый. Уладыка сардэчна падзякаваў мітрапаліту Паўлу за архіпастырскі візіт і ад імя браціі абіцелі і ўсіх навучальнікаў і навучэнцаў Мінскай духоўнай семінарыі паднёс яму святую прасфору і ікону Ражджаства Хрыстовага.

Мітрапаліт Павел падзякаваў архіепіскапу Гурыю за словы прывітання, павіншаваў архіпастыраў, духавенства, брацію манастыра і студэнтаў духоўнай семінарыі з Ражджаством Хрыстовым і звярнуўся да ўсіх са словам настаўлення.

Уладыка Экзарх павіншаваў усіх прычаснікаў з прыняццем Святых Хрыстовых Тайн, падаў усім багамольцам архіпастырскае благаславенне і ўручыў ім салодкія падарункі.

Church.by

Фотарэпартаж