У дзень памяці першамучаніка Сцяфана Патрыяршы Экзарх здзейсніў Літургію ў саборным Петра-Паўлаўскім храме горада Мінска
09 студзеня 2018
9 студзеня 2018 года, у дзень памяці апостала першамучаніка і архідыякана Сцяфана, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў саборным храме першавярхоўных апосталаў Пятра і Паўла горада Мінска.
Яго Высокапраасвяшчэнству саслужылі: благачынны 1-й Мінскай гарадской акругі, настаяцель Петра-Паўлаўскага сабора протаіерэй Георгій Латушка; настаяцелі гарадскіх храмаў і духавенства Петра-Паўлаўскага храма.
Літургічныя спевы выканаў хор пад кіраўніцтвам Юліі Міхалевіч.
Пропаведзь перад Прычасцем прамовіў іерэй Вадзім Шпакаў.
Па заамвоннай малітве Патрыяршы Экзарх і саслужачыя святары здзейснілі слаўленне Свята Ражджаства Хрыстова.
Па заканчэнні богаслужэння з прывітальным словам да мітрапаліта Паўла звярнуўся настаяцель сабора протаіерэй Георгій Латушка.
Уладыка Павел падзякаваў айцу Георгію за цёплыя словы, павіншаваў духавенства і прыхаджан храма са святам і звярнуўся да багамольцаў са словам навучання.
Мітрапаліт Павел павіншаваў усіх прычаснікаў з прыняццем Святых Хрыстовых Тайн і падаў вернікам архіпастырскае благаславенне.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
