У дзень памяці прападобнамучаніка Афанасія Брэсцкага мітрапаліт Павел здзейсніў Літургію ў Афанасьеўскім храме горада Мінска

02 жніўня 2020

top.jpg

2 жніўня 2020 года, у дзень памяці прарока Іліі і святкавання аднойдзення мошчаў прападобнамучаніка Афанасія, ігумена Брэсцкага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме прападобнамучаніка Афанасія Брэсцкага горада Мінска.

Патрыяршаму Экзарху саслужылі: настаяцель храма протаіерэй Аляксандр Будзько і клірыкі прыхода.

На патроенай екценні Патрыяршы Экзарх узнёс малітву аб міры ў Украіне, а затым — малітву аб спыненні шкоднай пошасці.

Пасля гэтага мітрапаліт Павел звярнуўся да багамольцаў з заклікам ў гэтыя дні, аж да выбараў Кіраўніка Дзяржавы, здзяйсняць узмоцненыя малітвы аб дараванні міру, стабільнасці і дабрабыту беларускаму народу, а затым узнёс асаблівую малітву «За Беларускі народ».

Богаслужэбныя спевы выканаў парафіяльны хор пад кіраўніцтвам Наталлі Гірш.

Пропаведзь перад Прычасцем прамовіў протаіерэй Дзімітрый Шылёнак.

Пасля заамвоннай малітвы Патрыяршы Экзарх і саслужачыя святары здзейснілі слаўленне прападобнамучаніку Афанасію.

Пасля заканчэння Літургіі з прывітальным словам да Патрыяршага Экзарха звярнуўся настаяцель прыхода протаіерэй Аляксандр Будзько.

Патрыяршы Экзарх падзякаваў айцу Аляксандру за словы прывітання, павіншаваў духавенства і прыхаджан з прастольным святам парафіі і звярнуўся да ўсіх са словам павучання.

Мітрапаліт Павел павіншаваў прычаснікаў з прыняццем Святых Хрыстовых Тайн, падаў усім архіпастырскае благаславенне. Імяніннікам было абвешчана мнагалецце, пасля чаго ўладыка Павел уручыў ім прасфоры.

Church.by

Фотарэпартаж