У дзень памяці роўнаапостальнай Марыі Магдаліны мітрапаліт Павел здзейсніў Літургію ў Марыі-Магдалінінскім храме горада Мінска

04 жніўня 2018

top.jpg4 жніўня 2018 года, у дзень памяці святой роўнаапостальнай Марыі Магдаліны, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Марыі-Магдалінінскім храме горада Мінска.

Яго Высокапраасвяшчэнству саслужылі: настаяцель Марыі-Магдалінінскага храма протаіерэй Іаан Харашэвіч; благачынны 4-й Мінскай гарадской царкоўнай акругі, настаяцель храма Ўсіх святых горада Мінска протаіерэй Фёдар Поўны; благачынны 1-й Мінскай гарадской царкоўнай акругі, настаяцель Петра-Паўлаўскага сабора горада Мінска протаіерэй Георгій Латушка; сакратар Мінскай епархіі протаіерэй Андрэй Волкаў і клірыкі прыхода.

Богаслужбовыя песнапенні выканаў хор пад кіраўніцтвам Святланы Жыгала.

Пропаведзь перад Прычасцем прамовіў іерэй Уладзімір Вірынскі.

Пасля заамвоннай малітвы адбыўся хрэсны ход з часткай святых мошчаў роўнаапостальнай Марыі Магдаліны ў гонар прастольнага свята прыхода.

Пасля заканчэння богаслужэння з прывітальным словам да Патрыяршага Экзарха звярнуўся настаяцель Марыі-Магдалінінскага храма протаіерэй Іаан Харашэвіч.

Мітрапаліт Павел падзякаваў айцу Іаану за словы прывітання, павіншаваў духавенства і прыхаджан храма з прастольным святам і звярнуўся да вернікаў са словам навучання.

Уладыка Экзарх павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Імянінніцам было абвешчана мнагалецце, пасля чаго мітрапаліт Павел уручыў ім прасфоры і кветкі.

Church.by

Фотарэпартаж