Пошук

У дзень памяці роўнаапостальнай Марыі Магдаліны мітрапаліт Веніямін здзейсніў Бажэственную літургію ў Марыі-Магдалінінскім храме горада Мінска

04 жніўня 2021

4 жніўня 2021 года, у дзень памяці святой роўнаапостальнай Марыі Магдаліны, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў Марыі-Магдалінінскім храме горада Мінска.

Яго Высокапраасвяшчэнству саслужылі: благачынны 1-й Мінскай гарадской акругі, настаяцель Петрапаўлаўскага сабора горада Мінска протаіерэй Георгій Латушка; старшыня Сінадальнага аддзела па супрацоўніцтве са свецкімі ўстановамі адукацыі, благачынны 4-й Мінскай гарадской царкоўнай акругі, настаяцель прыхода храма Усіх Святых горада Мінска протаіерэй Фёдар Поўны; настаяцель прыхода храма роўнаапостальнай Марыі Магдаліны горада Мінска протаіерэй Уладзімір Харашэвіч, клірык Свята-Духава кафедральнага сабора горада Мінска іерэй Дыянісій Кавалёў; госці ў свяшчэнным сане і клірыкі прыхода.

Богаслужэбныя спевы выканаў хор пад кіраўніцтвам Святланы Жыгала.

Пропаведзь перад Прычасцем прамовіў іерэй Антоній Казлоў.

Пасля заамвоннай малітвы адбыўся хрэсны ход, а затым быў здзейснены чын слаўлення святой.

Па заканчэнні Бажэственнай літургіі з прывітальным словам да Патрыяршага Экзарха звярнуўся настаяцель Марыі-Магдалінінскага храма протаіерэй Уладзімір Харашэвіч. На малітоўную памяць ён паднёс высокаму госцю абраз роўнаапостальнай Марыі Магдаліны.

Мітрапаліт Веніямін падзякаваў айцу Уладзіміру за словы прывітання, павіншаваў духавенства і прыхаджан храма з прастольным святам і звярнуўся да багамольцаў са словам павучання.

Затым архіпастыр уручыў грамату Патрыяршага Экзарха протадыякану Міхаілу Страху і каштоўныя падарункі дабрадзеям храма.

У завяршэнне уладыка Экзарх павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Church.by

Фотарэпартаж