Пошук

У дзень памяці роўнаапостальнай вялікай княгіні Вольгі мітрапаліт Павел здзейсніў Бажэственную літургію ў Вольгінскім храме сталіцы

24 ліпеня 2019

24 ліпеня 2019 года, у сераду 6-га тыдня пасля Пяцідзесятніцы, у дзень памяці святой роўнаапостальнай вялікай княгіні Вольгі, у святым хрышчэнні Алены, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме ў гонар святой роўнаапостальнай вялікай княгіні Вольгі горада Мінска.

Яго Высокапраасвяшчэнству саслужылі благачынны 6-й Мінскай гарадской акругі, настаяцель прыхода храма свяціцеля Мікалая Цудатворца горада Мінска протаіерэй Сергій Комлік і настаяцель храма протаіерэй Мікалай Багдановіч.

Богаслужэбныя спевы выканаў хор храма пад кіраўніцтвам Юліі Жыліч.

Пропаведзь перад Прычасцем прамовіў настаяцель храма протаіерэй Мікалай Багдановіч.

Пасля заамвоннай малітвы Патрыяршы Экзарх і саслужачыя святары здзейснілі слаўленне святу.

Па заканчэнні богаслужэння да ўладыкі Экзарха звярнуўся са словамі прывітання настаяцель прыхода протаіерэй Мікалай Багдановіч. Айцец Мікалай выказаў сардэчную падзяку мітрапаліту Паўлу за здзяйсненне Бажэственнай літургіі ў дзень прастольнага свята парафіі.

Патрыяршы Экзарх падзякаваў айцу настаяцелю за цёплыя словы, павіншаваў прыхаджан храма з прастольным святам і звярнуўся да ўсіх прысутных са словам павучання. Уладыка Павел павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне. Імяніннікам было абвешчана мнагалецце, пасля чаго мітрапаліт Павел уручыў ім прасфоры і кветкі.

Усім, хто наведаў богаслужэнне, уладыка Павел уручыў абразкі святой роўнаапостальнай вялікай княгіні Вольгі.

Church.by

Фотарэпартаж