Пошук

У Гомельскай і Тураўскай епархіях завяршылася аб'яднаная алімпіяда па асновах праваслаўнай культуры

21 мая 2017

У Гомельскай і Тураўскай епархіях завяршылася абласная алімпіяда па асновах праваслаўнай культуры, першы раённы этап якой праходзіў ва ўсіх раёнах Гомельскай вобласці з сакавіка па красавік.

13 мая на базе ДУА «Сярэдняя школа № 19 горада Гомеля» і ДУА «Сярэдняя школа № 15 горада Мазыра» адбыўся заключны этап алімпіяды, удзел у якім прынялі 52 навучэнца 4-8 класаў — пераможцы першага этапу алімпіяды.

Тэматыка заданняў гэтага года ўключала пытанні з Старога Запавету (біблейская гісторыя ад Аўраама да Сінайскага заканадаўства), гісторыю Новага Запавету (цуды Ісуса Хрыста), а для навучэнцаў 7-8 класаў былі таксама дадатковыя пытанні па Нагорнай пропаведзі.

Акрамя пытанняў па біблейскай тэматыцы, алімпіядныя заданні ўключалі ў сябе пытанні па жыціі праведнага Іаана Кармянскага, 100-годдзе прастаўлення якога будзе шырока адзначацца ў гэтым годзе 31 мая.

Члены журы, у склад якога ўваходзілі прадстаўнікі дзвюх епархій, падвялі вынікі алімпіяды.

Пераможцам, якія занялі прызавыя месцы, будуць уручаны дыпломы ўпраўлення адукацыі Гомельскага аблвыканкама і памятныя падарункі ад Гомельскай і Тураўскай епархій.

Спіс пераможцаў даступны на сайце Гомельскай епархіі.  

Гомельская епархія / Church.by