Пошук

У горадзе Гомелі адбыліся ўрачыстасці ў гонар прападобнай Манефы Гомельскай [+відэа]

11 жніўня 2021

11 жніўня 2021 года ў горадзе Гомелі адбыліся ўрачыстасці ў гонар прападобнай Манефы Гомельскай.

Бажэственную літургію ў Петра-Паўлаўскім кафедральным саборы горада Гомеля ўзначаліў Высокапраасвяшчэннейшы Сафроній, архіепіскап Магілёўскі і Мсціслаўскі у саслужэнні архіепіскапа Гомельскага і Жлобінскага Сцяфана, епіскапа Бабруйскага і Быхаўскага Серафіма, епіскапа Тураўскага і Мазырскага Леаніда, епіскапа Светлагорскага Амвросія, вікарыя Гомельскай епархіі.

Архіпастырам саслужылі: сакратар Гомельскай епархіі протаіерэй Георгій Алампіеў, благачынныя епархіяльных акруг, старшыні епархіяльных аддзелаў, настаяцелі храмаў і духавенства епархіі.

Дыяканскі чын узначаліў протадыякан Раман Куява.

За Літургіяй маліліся ігуменні манастыроў Гомельскай епархіі: Вера (Афонькіна) з сёстрамі Ціхвінскага жаночага манастыра горада Гомеля, Іаана (Ярэц) з сёстрамі Успенскага жаночага манастыра вёскі Казімірава і старэйшая манахіня Архелая (Новікава) з сёстрамі Іаана-Кармянскага жаночага манастыра вёскі Карма, шматлікія жыхары і госці горада.

Богаслужэбныя спевы выканаў хор Петра-Паўлаўскага кафедральнага сабора горада Гомеля пад кіраваннем Алены Мароз.

Падчас набажэнства былі ўзнесены асаблівыя малітоўныя прашэнні аб дараванні міру беларускаму народу і аб спыненні распаўсюджвання шкоднай павевы.

Са словамі пропаведзі да багамольцаў звярнуўся іераманах Арыстарх (Драздоў).

Па заканчэнні святочнага богаслужэння архіпастыры, духавенства, сёстры і вернікі прайшлі хрэсным ходам вакол сабора, пасля чаго быў здзейснены малебны спеў прападобнай Манефе Гомельскай.

Архіепіскап Гомельскі і Жлобінскі Сцяфан сардэчна падзякаваў архіпастырам, духавенству і ўсім вернікам за сумесную малітву.

Высокапраасвяшчэннейшы Сафроній, архіепіскап Магілёўскі і Мсціслаўскі, павіншаваў усіх багамольцаў са святам і звярнуўся да ўсіх прысутных з архіпастырскім словам.

Па завяршэнні святочнага набажэнства ганаровыя госці наведалі будынак Гомельскага епархіяльнага ўпраўлення.

Архіепіскап Сцяфан азнаёміў гасцей з дзейнасцю епархіяльных аддзелаў, распавёў аб калекцыі ўнікальных абразоў, якія знаходзяцца ў дамавым храме-музеі ў гонар Сабора ўсіх Беларускіх Святых, а таксама ўсе прысутныя мелі магчымасць убачыць старажытныя антымінсы.

 Гомельская епархія/Church.by