У Івянцы адбудзецца Міжнародны мастацкі пленэр «Святасць зямлі Беларускай», прысвечаны памяці мітрапаліта Філарэта (Вахрамеева)

29 жніўня 2021

top.jpg

4 верасня 2021 года ў Івянцы пачнецца традыцыйны, шосты па ліку Міжнародны мастацкі пленэр «Святасць зямлі Беларускай», прысвечаны памяці мітрапаліта Філарэта (Вахрамеева), першага Патрыяршага Экзарха ўсяе Беларусі, і Году народнага адзінства.

Адкрыецца пленэр сумеснай малітвай у храме прападобнай Еўфрасінні Полацкай. Пасля богаслужэння адбудзецца ўрачыстае адкрыццё і асвячэнне духоўна-асветніцкага і сацыяльнага цэнтра.

Ініцыятар мерапрыемства — прыход храма прападобнай Еўфрасінні Полацкай у Івянцы. Яго настаяцель протаіерэй Віктар Перагудаў з'яўляецца духаўнікам пленэру. Куратар пленэру — Глеб Отчык, старшыня Грамадскага аб'яднання «Беларускі саюз мастакоў».

Арганізатары праекта — Беларуская Праваслаўная Царква, Міністэрства культуры Рэспублікі Беларусь, ГА «Беларускі саюз мастакоў», ГА «Беларускі саюз жанчын», ГА «Беларускі саюз журналістаў», ТАА «Белінжынірынгбудінвест».

Плануецца, што ўдзел у праекце возьмуць мастакі з шасці краін. Акрамя беларускіх майстроў пэндзля на пленэр прыедуць прадстаўнікі з Расіі, Украіны, Малдовы, Грузіі, Сербіі, Румыніі. Асаблівасці сёлетняй падзеі — удзел майстроў-іканапісцаў і выпускнікоў мастацкай акадэміі, а таксама правядзенне ў кожнай епархіі конкурсу дзіцячых праваслаўных малюнкаў, лепшыя з якіх будуць адабраны журы і прадстаўлены на выніковай выставе.

Удзельнікі плэнера наведаюць Жыровіцкую абіцель, дамовы храма Мінскага епархіяльнага ўпраўлення ў гонар Сабора Беларускіх святых, музея-кабінета мітрапаліта Філарэта. У праграме таксама правядзенне творчай гутаркі ў фармаце круглага стала «Жыццё на шляху праўды». У ім чакаецца ўдзел літаратараў, царкоўных гісторыкаў і мастакоў. Акрамя таго, запланаваны візіт у Івянецкі дом-інтэрнат для дзяцей з асаблівасцямі развіцця, падчас якога адбудзецца канцэрт, падрыхтаваны сіламі выхаванцаў установы.

17 верасня ў выставачнай зале Палаца культуры горада Маладзечна адкрыецца вернісаж. Завершыць Міжнародны пленэр выстава «Святасць зямлі Беларускай», адкрыццё якой запланавана ў Нацыянальным мастацкім музеі Рэспублікі Беларусь 24 верасня.

Беларускі саюз журналістаў/Church.by