Напярэдадні дня памяці велікамучаніка і цаліцеля Панцеляімана Патрыяршы Экзарх здзейсніў усяночнае трыванне ў храме ў гонар іконы Божай Маці «Збавіцельніца» горада Жодзіна
08 жніўня 2021
8 жніўня 2021 года, напярэдадні памяці велікамучаніка і цаліцеля Панцеляімана, мітрапаліт Мінскі і Заслаўскі Веніямін, Патрыяршы Экзарх усяе Беларусі, кіраўнік Барысаўскай епархіі, узначаліў усяночнае трыванне ў храме ў гонар іконы Божай Маці «Збавіцельніца» горада Жодзіна.
Яго Высокапраасвяшчэнству саслужылі: сакратар Барысаўскай епархіі, благачынны 2-й Барысаўскай царкоўнай акругі, настаяцель храма святога дабравернага князя Дзімітрыя Данскога ў горадзе Барысаве протаіерэй Сергій Башкіраў; благачынны Жодзінскай царкоўнай акругі, настаяцель храма ў гонар іконы Божай Маці «Збавіцельніца» горада Жодзіна протаіерэй Мікалай Цюцюннікаў; святары Барысаўскай епархіі.
Богаслужэбныя спевы выканаў парафіяльны хор пад кіраўніцтвам рэгента Лізаветы Акунёвай.
Пасля чытання Евангелля мітрапаліт Веніямін і саслужачае духавенства здзейснілі слаўленне велікамучаніку і цаліцелю Панцеляіману, пасля чаго архіпстыр звярнуўся да ўсіх са словам павучання.
Затым, зважаючы на руплівую пастырскую працу на карысць Святой Царквы Хрыстовай, Патрыяршы Экзарх удастоіў царкоўных узнагарод святароў Барысаўскай епархіі. Правам нашэння паліцы — настаяцеля прыхода храма Пакрова Прасвятой Багародзіцы ў вёсцы Востраў Смалявіцкага раёна протаіерэя Віталя Грака і настаяцеля прыхода храма святых бяссрэбранікаў Касмы і Даміяна ў аграгарадку Драчкава Смалявіцкага раёна іерэя Дзімітрыя Кабішова; правам нашэння камілаўкі — клірыка прыхода храма свяціцеля Мікалая Цудатворца горада Смалявічы дыякана Георгія Фурсевіча.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
