Напярэдадні Нядзелі 7-ай пасля Пасхі мітрапаліт Павел здзейсніў усяночнае трыванне ў Свята-Духавым кафедральным саборы горада Мінска
19 мая 2018
19 мая 2018 года, напярэдадні Нядзелі 7-ай пасля Пасхі, дня памяці святых айцоў Першага Усяленскага Сабора, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Свята-Духавым кафедральным саборы горада Мінска.
Яго Высокапраасвяшчэнству саслужылі: кіраўнік спраў Мінскай Экзархіі архімандрыт Сергій (Брыч); першы прарэктар Інстытута тэалогіі БДУ протаіерэй Сергій Гардун; настаяцель храма Святога Духа ў пасёлку Гатава Мінскага раёна, старшыня Сінадальнага аддзела па справах моладзі Беларускай Праваслаўнай Царквы, протаіерэй Іаан Задарожын; намеснік старшыні моладзевага Сінадальнага аддзела Рускай Зарубежнай Праваслаўнай Царквы протаіерэй Андрэй Сомер і клірыкі кафедральнага сабора.
Перад пачаткам богаслужэння ў Свята-Духавым кафедральным саборы адбылася ўрачыстая сустрэча каўчэга з правіцай святой прападобнамучаніцы вялікай княгіні Лізаветы Фёдараўны і з часціцай мошчаў прападобнамучаніцы інакіні Варвары. Святыя мошчы прынесены ў горад Мінск са Знаменскага Сінадальнага сабора горада Нью-Ёрка. У Мінску каўчэг будзе знаходзіцца да 22 мая.
Богаслужэбныя спевы выканаў архіерэйскі хор пад кіраўніцтвам Віталя Сабалеўскага.
Пропаведзь пасля чытання Евангелля прамовіў клірык Свята-Духава кафедральнага сабора іерэй Андрэй Ламакін.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
