У Мінску адбудзецца цырымонія ўзнагароджання лаўрэатаў Міжнароднага конкурсу дзіцячых малюнкаў «Прыгажосць Божага свету»
22 лістапада 2017
У рамках Трэціх Беларускіх Калядных чытанняў 23 лістапада 2017 года ў актавай зале Мінскай духоўнай акадэміі ў 15:00 адбудзецца цырымонія ўзнагароджання лаўрэатаў рэгіянальнага этапу Міжнароднага конкурсу дзіцячых малюнкаў «Прыгажосць Божага свету».
Старшыня Сінадальнага аддзела адукацыі і катэхізацыі Беларускай Праваслаўнай Царквы епіскап Барысаўскі і Мар'інагорскі Веніямін уручыць пераможцам конкурсу дыпломы і памятныя падарункі, падрыхтаваныя аддзелам адукацыі і катэхізацыі Мінскай епархіі.
Конкурс ужо шмат гадоў праводзіцца па благаславенню Свяцейшага Патрыярха Кірыла ў рамках Міжнародных Калядных чытанняў і спрыяе стварэнню ўмоў для раскрыцця ў дзецях талентаў, далучэння іх да праваслаўнай культуры.
Правядзенне конкурсу стала добрай традыцыяй і ў Беларусі. Дзеці з розных рэгіёнаў нашай краіны неаднаразова станавіліся пераможцамі заключнага міжнароднага этапу конкурсу, які праходзіць у Маскве ў Калядныя святы.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
