У Мінскай духоўнай акадэміі адбудзецца штогадовая навуковая канферэнцыя «Царкоўная навука ў пачатку трэцяга тысячагоддзя: актуальныя праблемы і перспектывы развіцця»

25 верасня 2021

top.jpg

16 лістапада 2021 года ў Мінскай духоўнай акадэміі пройдзе VI навуковая канферэнцыя «Царкоўная навука ў пачатку трэцяга тысячагоддзя: актуальныя праблемы і перспектывы развіцця».

У рамках канферэнцыі адбудзецца пленарнае пасяджэнне і праца тэматычных секцый пад кіраўніцтвам выкладчыкаў Мінскай духоўнай акадэміі.

Праблемнае поле канферэнцыі:

  • Актуальныя праблемы сучаснай біблеістыкі
  • Актуальныя праблемы сучаснага багаслоўя
  • Актуальныя праблемы сучасных міжправаслаўных адносін
  • Актуальныя праблемы сучаснай царкоўна-гістарычнай навукі
  • Метадалагічныя праблемы вывучэння нетрадыцыйнай рэлігійнасці
  • Актуальныя праблемы сучаснага рэлігіязнаўства.

Да ўдзелу ў канферэнцыі запрашаюцца выкладчыкі і студэнты свецкіх і духоўных вышэйшых навучальных устаноў, спецыялісты ў галіне багаслоўя, філасофіі, гісторыі, рэлігіязнаўства і іншых гуманітарных дысцыплін.

Месца правядзення: вул. Зыбіцкая, 27, г. Мінск, Беларусь, 220030. Мінская духоўная акадэмія.

Формы ўдзелу: вочная, дыстанцыйная.

Рабочыя мовы канферэнцыі: беларуская і руская.

Рэгламент выступленняў: да 20 хвілін у пленарным выступленні, да 10 хвілін у секцыйным.

Тэзісы дакладаў і заяўкі ўдзельнікаў па дададзенай форме прымаюцца да 8 лістапада 2021 года па адрасе: minda.confernce@gmail.com 

Тэлефон для даведак: +375 25 902 18 92.

Больш падрабязная інфармацыя змяшчаецца ў інфармацыйным пісьме.

Мінская духоўная акадэмія/Church.by