Пошук

У Мінскай духоўнай семінарыі падвялі вынікі першага семестра 2017/2018 навучальнага года

05 студзеня 2018

3 студзеня 2018 года ў Мінскай духоўнай семінарыі адбылося пасяджэнне Вучонага савета, якое ўзначаліў рэктар архіепіскап Навагрудскі і Слонімскі Гурый. У ходзе пасяджэння былі падведзены вынікі першага семестра 2017/2018 навучальнага года і разгледжаны бягучыя пытанні.

У пачатку пасяджэння рэктар Мінскай духоўнай семінарыі архіепіскап Навагрудскі і Слонімскі Гурый паведаміў аб рашэннях, прынятых на пасяджэнні Сінода Беларускай Праваслаўнай Царквы 29 верасня 2017 года. У прыватнасці, Сінод ухваліў прапанову архіепіскапа Гурыя аб рэструктурызацыі Слонімскага жаночага духоўнага вучылішча шляхам яго далучэння да Мінскай духоўнай семінарыі, спыненні дзейнасці Слонімскага духоўнага вучылішча як юрыдычнай асобы, уключэнні рэгенцкага і іканапіснага аддзяленняў Слонімскага духоўнага вучылішча ў склад Мінскай духоўнай семінарыі шляхам іх пераўтварэння ў аднайменныя аддзяленні семінарыі, скасаванні катэхізатарскага аддзялення вучылішча, пераводзе навучэнцаў катэхізатарскага аддзялення Слонімскага духоўнага вучылішча для працягу навучання на багаслоўска-педагагічнае аддзяленне Мінскай духоўнай семінарыі, унясенні адпаведных змяненняў у Статут Мінскай духоўнай семінарыі. Рашэннем Сінода Беларускай Праваслаўнай Царквы агульнае кіраўніцтва працэсам рэструктурызацыі Слонімскага духоўнага вучылішча даручана архіепіскапу Навагрудскаму і Слонімскаму Гурыю.

Затым прарэктар па навуковай рабоце Мінскіх духоўных акадэміі і семінарыі дацэнт А. В. Слесараў прадставіў даклад аб навуковай працы Мінскай духоўнай семінарыі ў першым семестры 2017/2018 навучальнага года і даклад аб рэалізацыі праграмы мерапрыемстваў Мінскай духоўнай семінарыі па ўвекавечанню памяці навамучанікаў і вызнаўцаў Рускай Праваслаўнай Царквы на 2017 год.

Пасля выступлення рэктара архіепіскапа Навагрудскага і Слонімскага Гурыя прарэктару па навуковай рабоце, дацэнту А. В. Слесареву была даручана падрыхтоўка новага праекта палажэння аб Вучоным савеце Мінскай духоўнай семінарыі, які адпавядае нормам, прынятым у сістэме вышэйшай адукацыі Рэспублікі Беларусь.

Аб выніках паспяховасці і паводзінах студэнтаў багаслоўска-пастырскага аддзялення семінарыі дзённай формы навучання ў першым семестры 2017/2018 навучальнага года паведаміў першы прарэктар, прарэктар па вучэбнай рабоце протаіерэй Андрэй Цыгель.

Прарэктар па выхаваўчай рабоце, загадчык аддзялення завочнага навучання протаіерэй Віктар Васілевіч выступіў з дакладам аб выніках паспяховасці і дысцыпліны студэнтаў багаслоўска-пастырскага і багаслоўска-педагагічнага аддзяленняў семінарыі завочнай формы навучання ў першым семестры 2017/2018 навучальнага года.

Загадчыца іканапісным аддзяленнем манахіня Варсанофія (Талатай) паведаміла аб выніках паспяховасці і паводзінах студэнтаў іканапіснага аддзялення ў першым семестры 2017/2018 навучальнага года.

Даклад аб выніках паспяховасці і паводзінах студэнтаў рэгенцкага аддзялення ў першым семестры 2017/2018 навучальнага года прадставіла загадчыца аддзялення Н.У. Цыгель.

Пасля выступлення першага прарэктара, прарэктара па вучэбнай рабоце протаіерэя Андрэя Цыгеля савет зацвердзіў праект раскладу заняткаў у другім семестры 2017/2018 навучальнага года.

Аб выкананні пастаноў Вучонага савета 30 жніўня 2017 года (журнал №1) і рашэннях Рэктарскіх нарад 25 верасня 2017 года (пратакол № 3), 18 лістапада 2017 года (пратакол № 4), 2 студзеня 2018 года (пратакол № 5) паведаміў сакратар Вучонага савета протадыякан Георгій Пшанко.

Завяршылася пасяджэнне Вучонага савета зацвярджэннем асабістага складу Мінскай духоўнай семінарыі, разглядам прашэнняў і бягучых пытанняў.

МІнДС / Church.by