У свята Благавешчання Прасвятой Багародзіцы мітрапаліт Філарэт маліўся і прычасціўся Святых Хрыстовых Тайн за Літургіяй у дамавым храме Мінскага епархіяльнага ўпраўлення
07 красавіка 2017
7 красавіка 2017 года, у свята Благавешчання Прасвятой Багародзіцы, Ганаровы Патрыяршы Экзарх усяе Беларусі мітрапаліт Філарэт маліўся і прычасціўся Святых Хрыстовых Тайн за Бажэственнай літургіяй у дамавым храме Мінскага епархіяльнага ўпраўлення ў гонар Сабора Беларускіх святых.
Богаслужэнне здзейснілі: іерэй Макарый Кавалёў, іерэй Аляксандр Волкаў, протадыякан Віталь Дубяга.
Спевы Бажэственнай літургіі выканаў хор пад кіраўніцтвам Анастасіі Цімафеевай.
Па завяршэнні богаслужэння мітрапаліт Філарэт звярнуўся да духавенства і вернікаў з архіпастырскім словам:
«Дарагія айцы, браты і сёстры!
Сардэчна вітаю ўсіх вас і віншую са святам Благавешчання Найсвяцейшай Багародзіцы.
З гэтай Евангельскай падзеі пачынаецца гісторыя збудавання нашага выратавання. Архангел Гаўрыіл абвясціў Дзеве Марыі, што Ёй наканавана стаць Маці Таго, хто вызваліць чалавецтва ад улады граху і смерці.
Дзева Марыя з Назарэта здабыла дар Богамацярынства дзякуючы Свайму змірэнню. Мы памятаем Яе адказ архангелу: «Вось, Я — раба Гасподняя; няхай будзе Мне па слову твайму».
Будзем і мы вучыцца змірэнню ў Прасвятой Багародзіцы! Бо менавіта тым, хто ідзе па шляху змірэння, Гасподзь пасылае шчодрыя дары і нечаканыя радасці, а вяршыня гэтых дароў — Царства Нябеснае.
Са святам!»
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
