Пошук

У свята Нараджэння Прасвятой Багародзіцы мітрапаліт Веніямін узначаліў прастольную ўрачыстасць у аднайменным храме вёскі Тарасава Мінскага раёна

21 верасня 2021

21 верасня 2021 года, у свята Нараджэння Прасвятой Уладычыцы нашай Багародзіцы і Вечнадзевы Марыі, мітрапаліт Мінскі і Заслаўскі Веніямін, Патрыяршы Экзарх усяе Беларусі, узначаліў прастольную ўрачыстасць у аднайменным храме вёскі Тарасава Мінскага раёна.

Яго Высокапраасвяшчэнству саслужылі: старшыня Сінадальнага аддзела Беларускай Праваслаўнай Царквы па ўзаемадзеянні з Узброенымі Сіламі і іншымі вайсковымі фарміраваннямі Рэспублікі Беларусь, настаяцель прыхода храма Нараджэння Прасвятой Багародзіцы вёскі Тарасава протаіерэй Сергій Кузьмянкоў; настаяцель храма Пакрова Прасвятой Багародзіцы горада Мінска протаіерэй Віктар Белякоў; старшыня Сінадальнага паломніцкага аддзела Беларускай Праваслаўнай Царквы, настаяцель прыхода храма прападобнага Серафіма Сароўскага горада Мінска, благачынны 7-й Мінскай гарадской акругі, протаіерэй Аляксандр Шырытон; сакратар Мінскай епархіі протаіерэй Андрэй Волкаў; клірык прыхода храма іконы Божай Маці «Усіх тужлівых Радасць» горада Мінска, намеснік старшыні епархіяльнага суда Мінскай епархіі протаіерэй Віктар Якушаў і клірык прыхода храма іерэй Аляксандр Кузьмянкоў.

Дыяканскі чын узначаліў протадыякан Уладзімір Назараў.

Богаслужэбныя спевы выканаў хор пад кіраваннем рэгента Галіны Шумік.

Пасля заамвоннай малітвы архіпастыр і саслужачыя святары здзейснілі малебны спеў з хрэсным ходам, падчас якога былі асвечаны абразы на фасадзе храма.

Затым настаяцель прыхода храма звярнуўся да ўладыкі Экзарха з прывітальным словам, сардэчна падзякаваўшы яго за архіпастырскі візіт і сумеснае богаслужэнне. У памяць аб наведванні парафіі протаіерэй Сергій Кузьмянкоў перадаў у дар мітрапаліту Веніяміну карціну з выявай храма Нараджэння Найсвяцейшай Багародзіцы ў вёсцы Тарасава.

Напрыканцы Прадстаяцель Беларускай Праваслаўнай Царквы звярнуўся да вернікаў са словам настаўлення. Затым архіпастыр падарыў прыходу абраз святога велікамучаніка Георгія Перамаганосца. А ўсім багамольцам былі раздадзены іконы Нараджэння Прасвятой Багародзіцы.

Сhurch.by

Фотарэпартаж