У рамках фестывалю «Вера і слова» прайшоў круглы стол «Лжэстарацтва ў эпоху цыфравізацыі»

22 кастрычніка 2021

top.jpgУ рамках IX Міжнароднага фестывалю праваслаўных СМІ «Вера і слова», які праходзіць 

у Падмаскоўі 18-22 кастрычніка 2021 года, адбыўся круглы стол «Лжэстарацтва ў эпоху цыфравізацыі».

У якасці спікераў выступілі рэктар Тульскай духоўнай семінарыі ігумен Яўфімій (Майсееў), кіраўнік аддзела па ўзаемаадносінах Царквы з грамадствам і СМІ Кінешамскай епархіі Іванаўскай мітраполіі протаіерэй Андрэй Яфанаў і кіраўнік Праваабарончага цэнтра Сусветнага рускага народнага сабора, намеснік старшыні экспертнага савета па дзяржаўнай рэлігіязнаўчай экспертызе пры Мінюсце РФ Р. А. Сіланцьеў. Падчас сваіх выступленняў эксперты закранулі найбольш праблемныя аспекты феномену сучаснага лжэстарацтва.

Адкрываючы мерапрыемства, Р. А. Сіланцьеў адзначыў, што ў сучасным свеце вялікае распаўсюджванне атрымліваюць псеўдаправаслаўныя секты. Спікер распавёў аб самых "таксічных" міфах праваслаўных сект, а таксама правёў параўнанне паміж нашумелай сектай «бога Кузі» і японскай сектай «Аум Сенрыкё». Р. А. Сіланцьеў падкрэсліў асаблівую небяспеку праваслаўных сект, паколькі «секты часта імкнуцца асацыіраваць сябе з Царквой».

Протаіерэй Андрэй Яфанаў, у сваю чаргу, распавёў аб сваім бачанні праблемы сучаснага лжэстарацтва і спосабах процідзеяння гэтаму небяспечнаму феномену, які закранае сотні і нават тысячы людзей. Айцец Андрэй распавёў пра методыку вярбоўкі новых членаў у псеўдаправаслаўныя секты. Святар асабліва адзначыў актыўнасць сект і іх здольнасць пры дапамозе т. зв. бамбардзіроўкі любоўю набываць новых адэптаў. Апроч іншага, гаворка зайшла і аб дзейнасці лжэстарцаў у сацыяльных сетках і на іншых пляцоўках. У прыватнасці, адзначалася праблема існавання прыналежных лжэсвяшчэнаслужыцелям суполак і каналаў, якія маюць значную колькасць падпісчыкаў.

Выступаючы на круглым стале, ігумен Яўфімій (Маісееў) распавёў пра асаблівасці пропаведзі былога святара Уладзіміра Галавіна. Праводзячы аналіз поглядаў гэтага пазбаўленага сану святара, ігумен Яўфімій (Маісееў) адзначыў падабенства некаторых элементаў вучэння Уладзіміра Галавіна з ісламам, а таксама наяўнасць прыкмет фінансавай піраміды, паколькі ўдзел у пэўных актыўнасцях, якія арганізуюцца Уладзімірам Галавіным або яго асяроддзем, магчымы толькі пры ўмове ўнясення фінансавых сродкаў.

Завяршаючы сустрэчу, удзельнікі круглага стала пагадзіліся з тэзісам аб неабходнасці больш стараннага вывучэння лжэстарацтва. Апроч іншага, яны таксама заклікалі епархіяльныя выданні больш шчыльна супрацоўнічаць са свецкімі СМІ для барацьбы з праявамі лжэстарацтва.

У круглым стале прыняло ўдзел больш за 50 чалавек.

patriarchia.ru/Church.by