Пошук

У Вялікую Суботу Патрыяршы Экзарх здзейсніў вячэрню і Літургію ў Свята-Духавым кафедральным саборы горада Мінска

15 красавіка 2017

15 красавіка 2017 года, у Вялікую Суботу, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў вячэрню і Бажэственную літургію свяціцеля Васілія Вялікага ў Свята-Духавым кафедральным саборы горада Мінска.

Яго Высокапраасвяшчэнству саслужылі: кіраўнік спраў Мінскай Экзархіі архімандрыт Сергій (Брыч); сакратар Мінскай епархіі протаіерэй Андрэй Волкаў і клірыкі кафедральнага сабора.

Богаслужэбныя спевы выканаў архіерэйскі хор пад кіраўніцтвам Віталя Сабалеўскага.

Пропаведзь перад Прычасцем прамовіў клірык Свята-Духава кафедральнага сабора іерэй Іаан Парфёнаў.

Па заамвоннай малітве Патрыяршы Экзарх асвяціў хлеб і віно і ўзнёс малітву аб міры на Святой Зямлі, якая здзяйсняецца па традыцыі штогод у Вялікую Суботу.

Па заканчэнні богаслужэння ўладыка Павел звярнуўся да вернікаў і духавенства сабора са словам настаўлення.

Мітрапаліт Павел павіншаваў усіх прычаснікаў з прыняццем Святых Хрыстовых Тайн і падаў усім архіпастырскае благаславенне. 

Church.by

Фотарэпартаж