Пошук

У Вілейцы прайшла канферэнцыя «Хрысціянская сімволіка ў пісьмовых крыніцах»

03 сакавіка 2017

24 лютага ў Вілейскім благачынні ў рамках мерапрыемстваў Дня праваслаўнай кнігі прайшла тэматычная канферэнцыя «Хрысціянская сімволіка ў пісьмовых крыніцах».

З уступным словам выступіў благачынны Вілейскай акругі іераманах Аляксандр (Шмырко).

З дакладамі выступілі:

- протаіерэй Аляксій Васін, выкладчык Мінскай духоўнай акадэміі, кандыдат багаслоўя — «500-годдзе выдання святой Бібліі Францыскам Скарынам»;

- Генадзь Лаўрэцкі, выкладчык царкоўнай археалогіі Мінскай духоўнай акадэміі — «Вобраз Крыжа ў хрысціянскім мастацтве».

У сустрэчы прынялі ўдзел святары благачыння, прадстаўнікі адміністрацыі горада, устаноў культуры і адукацыі, прыхаджане.

У завяршэнне мерапрыемства з невялікай канцэртнай праграмай выступіў хор храма прападобнай Марыі Егіпецкай горада Вілейкі пад кіраваннем Ніны Маркузавай.

Маладзечанская епархія / Church.by