У Жыровіцкім Доме культуры прайшла гутарка «Святыя зямлі нашай»
04 кастрычніка 2017
1 кастрычніка ў Жыровіцкім Доме культуры Слонімскага раёна адбылася духоўна-асветніцкая гутарка пад назвай «Святыя зямлі нашай», арганізаваная ў рамках супрацоўніцтва Слонімскага благачыння і аддзела ідэалагічнай культуры, працы і па справах моладзі Слонімскага райвыканкама.
Перад студэнтамі Мінскай духоўнай семінарыі, Жыровіцкага агратэхнічнага каледжа і жыхарамі аграгарадка выступіў член Камісіі па кананізацыі святых Беларускай Праваслаўнай Царквы протаіерэй Генадзь Логін.
Быў паказаны фільм пра прападобнамучаніка Серафіма (Шахмуця), жыровіцкага архімандрыта. Дакладчык распавёў аб саратніку святога — архімандрыце Ігнаце (Кударэнка).
Прысутныя з цікавасцю пазнаёміліся з матэрыяламі са следчай справы беларускіх місіянераў і дакументамі ваеннага часу, падпісанымі архімандрытам Серафімам.
У завяршэнне сустрэчы айцец Генадзь уручыў слухачам абразкі святых Навагрудскай епархіі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
