Упершыню ў Мінску пройдуць велікапосныя канцэрты
28 сакавіка 2017
У рамках праваслаўнай выставы «Вербны кірмаш» на розных пляцоўках Мінска з 1 па 7 красавіка пройдуць велікапосныя канцэрты, удзельнікамі якіх стануць як царкоўныя, так і свецкія харавыя калектывы беларускай сталіцы. Высокі ўзровень майстэрства гэтых калектываў пацвярджаецца іх удзелам і прызнаннем на міжнародных фестывалях.
Арганізатарам мерапрыемства выступіла старшы рэгент жаночага Лізавецінскага манастыра, царкоўны кампазітар манахіня Юліянія (Дзянісава).
Час правядзення духоўных канцэртаў — у дні Вялікага посту — абраны не выпадкова, тлумачыцца на сайце Лізавецінскай абіцелі.
Падобная традыцыя існавала ў Санкт-Пецярбургу ў XIX — пачатку XX стагоддзя. У апошнія гады ў культурнай сталіцы Расіі гэтую традыцыю сталі адраджаць. Пецябруржцы палюбілі гэтыя канцэрты: маштаб падзеі вырас да міжнароднага ўзроўню і аб'яднаў у сабе розныя спадарожныя праекты. Разам са святочным хорам Лізавецінскага манастыра манахіня Юліянія не толькі прымала ўдзел у пецярбургскіх велікапосных канцэртах, але і з'яўлялася членам журы міжнароднага конкурсу духоўнай музыкі «Раман Сладкапевец», які праходзіў у Пецярбургу, і выкладчыкам «Акадэміі праваслаўнай музыкі».
У канцэртных праграмах будуць гучаць не толькі духоўная музыка, але і народныя песні, творы рускай і замежнай класікі.
3 красавіка ў 19:00 у Нацыянальным акадэмічным тэатры імя Янкі Купалы адбудзецца дабрачынны канцэрт святочнага хору Лізавецінскага манастыра. Сродкі ад продажу білетаў пойдуць на будаўніцтва «Дома для бяздомных» на манастырскім падворку ў вёсцы Лысая Гара.
Больш падрабязную інфармацыю аб мінскіх велікапосных канцэртах — на афішы.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
