Пошук

Выпускнікі Летняй школы жэставай мовы падрыхтавалі для людзей з праблемамі слыху ролік пра сэнс Вялікага посту [+відэа]

25 сакавіка 2023

Да сярэдзіны Вялікага посту выпускнікі Летняй школы жэставай мовы падрыхтавалі кароткае відэа для сацыяльных сетак, якое распавядае пра яго сутнасць у даступнай для людзей з пралемамі слыху форме.

Летняя школа мовы жэстаў адкрылася ў 2021 годзе. Ініцыятарамі гэтага навучальнага праекта выступілі Сінадальны аддзел рэлігійнай адукацыі і катэхізацыі Беларускай Праваслаўнай Царквы і Брацтва ў гонар святога апостала Іаана Багаслова Мінскай епархіі Беларускай Праваслаўнай Царквы.

У ходзе навучання жадаючыя авалодваюць базавымі навыкамі сурдакамунікацыі як у вочным, так і ў аддаленым рэжыме.

Праграма навучання змяшчае неабходную тэарэтычную базу, але ў большай ступені сканцэнтравана на практыцы. Выкладанне вядзецца святарамі, якія акармляюць людзей глухіх і са слабым слыхам, перакладчыкамі жэставай мовы вышэйшай катэгорыі з вялікім досведам працы, а таксама падрыхтаванымі раней валанцёрамі.

У 2022 годзе ўжо другой групе выпускнікоў былі ўручаны сертыфікаты аб падрыхтоўцы парафіяльнага валанцёра, які валодае асновамі жэставай мовы. Найважнейшай часткай заняткаў стаў удзел у падзячным малебне, дзе ў кожнага з іх была магчымасць перавесці богаслужэбны тэкст на мову жэстаў. 

oroik.by/Church.by 

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники