Пошук

Выйшаў у свет шосты нумар «Часопіса Маскоўскай Патрыярхіі» за 2021 год

02 ліпеня 2021

Выйшаў у свет шосты нумар «Часопіса Маскоўскай Патрыярхіі» за 2021 год.

Да чытачоў звярнуўся старшыня рэдакцыйнага савета «Часопіса Маскоўскай Патрыярхіі» мітрапаліт Валакаламскі Іларыён:

«Праасвяшчэнныя архіпастыры, дарагія айцы, браты і сёстры!

У дзень Пяцідзесятніцы чаканне і страх вучняў змяняюцца заклікам ісці і вучыць ўсе народы веры Хрыстовай. Царква нараджаецца не толькі ў сам момант паслання Святога Духа на апосталаў, але працягвае нараджацца разам з пропаведдзю пра Хрыста, з прыбыццём новых членаў у абшчыну. Пасланне Духа Святога — падзея не аднамомантавая, гэта падзея стварэння царквы, якая ўвесь час доўжыцца. І духавенства ў сваім служэнні аказваецца саўдзельнікам гэтага стваральнага працэсу.

Дух Святы сёння дзейнічае дакладна гэтак жа, як Ён дзейнічаў дзве тысячы гадоў таму. Не будзем думаць, што тады было багатае выліванне благадаці Духа Святога, а цяпер яно змізарнела. Нашы словы, якія мы звяртаем да людзей, могуць быць у той жа меры напоўнены благадаццю Святога Духа, як і словы апосталаў, калі яны загаварылі на розных мовах. Але мы не павінны забываць пра сваю частку адказнасці ў гэтай богачалавечай справе. Мы пакліканы словамі і справамі несці людзям любоў і веру, а не заражаць іх злосцю або палітычнымі лозунгамі. У век амаль абсалютнай публічнасці любое слова святара, любы яго жэст становяцца часткай яго пропаведзі, часткай яго сведчання аб Хрысце. Нам няма дзе схавацца, мы заўсёды на падсвечніку, не толькі калі знаходзімся на царкоўным амбоне. Як важна менавіта сёння, калі слова губляе сваё значэнне, нам з вамі вучыцца гаварыць пра сваю веру.

Вучыцца казаць — гэта значыць і вучыцца слухаць. Дыскусія як форма дыялогу становіцца чымсьці зусім незразумелым сучаснаму чалавеку. У гэтым сэнсе нам важны ўнутрыцаркоўны вопыт прамога і сумленнага абмеркавання, якое вядзецца ў Міжсаборнай прысутнасці, чарговы пленум якой завяршыўся не так даўно ў Маскве. Можна сказаць, што ў такой сумеснай працы, несумненна, выконваецца тое дзеянне Святога Духа, якое будуе Царкву.

Будзем і ў дні пасля Пяцідзесятніцы маліцца аб тым, каб Дух Святы заўсёды натхняў нас на працу, на пропаведзь, на спрыянне Царкве, на саўдзел у гэтай богачалавечай справе».

Змест нумара

Афіцыйная хроніка

• Служэнні і сустрэчы Свяцейшага Патрыярха Кірыла

• Пленум Мжсаборнай прысутнасці Рускай Праваслаўнай Царквы

Урокі стагоддзя

• Міхаіл Шкароўскі. Благаславенне на подзвіг. Да 80-годдзя паслання Патрыяршага Месцазахавальніка мітрапаліта Сергія ад 22 чэрвеня 1941 года
• Усё злілося ў адзін доўгі дзень... Успаміны святароў пра вайну
• Інакіня Севасціяна (Амарцава), Аляксей Ермалюк. Страляйце, а манастыр высяляць не дазволім. Да 100-годдзя закрыцця багаборцамі Чалябінскай Адзігітрыеўскай жаночай абіцелі
  
  

Чалавек Царквы

• Іерэй Аляксандр Волкаў, іерэй Ігар Палкін. Протаіерэй Леў Махно

Свята

• Ірына Языкава. Всяк уповай на Тя, Владычіце, не погібнет! Да 500-годдзя цудоўнага выратавання Масквы ад нашэсця крымскага хана Махмет-Гірэя
• Алена Аляксеева. У Талмачы на паклон да Уладзімірскай

Царкоўнае жыццё

• Протаіерэй Валяр'ян Крэчатаў. Я свой выбар зрабіў у дзяцінстве

800-годдзе Аляксандра Неўскага

• Молі спасті Отечество твое, і вся прітекающія к раце мощей твоіх. 12 чэрвеня пачаліся чатыры хрэсныя ходы з мошчамі Аляксандра Неўскага па гарадах Расіі і Беларусі
• Дзмітрый Міроненка. Іканаграфія Аляксандра Неўскага-Жывая шматгалосая пропаведзь

Летапіс святасці

• Галіна Гадалава. Нябесны заступнік Цвярской зямлі. Да 500-годдзя з дня знойдзення мошчаў прападобнага Макарыя Калязінскага

Катэхізацыя

• Аляксей Равуцкі. Нявольнік ня багамольнік. Катэхізацыя сёння: вопыт, праблемы, перспектывы

Храмабудаўнік

• Андрэй Абаленскі. Царква-новабудоўля павінна спалучаць традыцыю канона з лаканічнасцю сучаснасці

Чытанне

• Дзмітрый Анохін. Багаслоўе пастырства для будучых святароў. Выйшаў у свет новы падручнік для студэнтаў бакалаўрыята тэалогіі
• Новыя кнігі Выдавецкага дома «Пазнанне»

Музейны гід

• Павел Канстанцінаў. Даўмонтаў меч і запрашэнне на Лядовае пабоішча. Галоўныя выставачныя праекты да юбілея святога дабравернага Аляксандра Неўскага: ад Санкт-Пецярбурга да Екацярынбурга

Вечная памяць

• Протаіерэй Генадзь Андрыянаў

Patriarchia.ru/Church.by