Архіепіскап Магілёўскі і Мсціслаўскі Сафроній асвяціў храм у гонар святых мучанікаў і вызнаўцаў Гурыя, Самона і Авіва ў вёсцы Шастакі Дрыбінскага раёна
08 лістапада 2021
7 лістапада 2021 года, у Нядзелю 20-ю пасля Пяцідзесятніцы, архіепіскап Магілёўскі і Мсціслаўскі Сафроній здзейсніў чын вялікага асвячэння храма ў гонар святых мучанікаў і вызнаўцаў Гурыя, Самона і Авіва, пабудаванага ў вёсцы Шастакі Дрыбінскага раёна.
Пасля асвячэння Яго Высокапраасвяшчэнства здзейсніў у новым храме першую Бажэственную літургію.
Уладыку саслужылі: сакратар епархіяльнага ўпраўлення протаіерэй Генадзь Пацэвіч, протаіерэй Сергій Сень, благачынны Горацкай царкоўнай акругі протаіерэй Андрэй Выгоўскі, настаяцель новага храма іерэй Уладзімір Шмігельскі і протадыякан Пётр Жук.
Богаслужэбныя спевы выканаў хор пад кіраўніцтвам Вольгі Сімончык.
Па заканчэнні Літургіі ўладыка Сафроній звярнуўся да прысутных з пропаведдзю. Архіепіскап павіншаваў усіх з нараджэннем новай свяцільні веры, патлумачыў неабходнасць рэгулярнага наведвання храмаў Божых, удзелу ў набажэнствах і заклікаў жыхароў вёскі Шастакі актыўна ўдзельнічаць у царкоўным жыцці.
Затым Высокапраасвяшчэнны Сафроній уручыў падзячныя граматы тым, хто ўнёс найбольшы ўклад ва ўзвядзенне і добраўпарадкаванне храма. Настаяцель храма айцец Уладзімір Шмігельскі ад імя ўсіх жыхароў вёскі Шастакі падзякаваў архіпастыра за падтрымку ў будаўніцтве храма, асвячэнне і богаслужэнне.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
