Архіепіскап Пінскі і Лунінецкі Сцяфан узнагароджаны ордэнам свяціцеля Інакенція Маскоўскага II ступені
26 сакавіка 2019
25 сакавіка архіепіскапу Пінскаму і Лунінецкаму Сцяфану споўнілася 75 гадоў. Са знамянальнай датай юбіляра павіншаваў Свяцейшы Патрыярх Маскоўскі і ўсяе Русі Кірыл.
У Патрыяршым віншаванні, у прыватнасці, гаворыцца:
«За мінулыя гады вы нямала папрацавалі на карысць Святой Царквы. Пасля заканчэння маскоўскіх духоўных школ і прыняцця благадаці свяшчэнства вы накіраваліся на служэнне ў родную для Вас Беларусь. Гасподзь судзіў Вам прайсці поле манаскага послуху ва Успенскім Жыровіцкім манастыры ад насельніка да намесніка гэтай славутай абіцелі. Там жа адбылася і Ваша архіерэйская хіратонія.
Прыемна адзначыць, што без малога тры дзесяцігоддзі Вы з дбайнасцю і адказнасцю кіруеце Пінскай і Лунінецкай епархіяй, праяўляючы клопат пра клір і паству даручанага Вашай апецы царкоўнага надзелу, заклікаючы людзей да жыцця паводле евангельскіх запаведзяў, да духоўнага ўзрастання, міру і згоды. Спадзяюся, што і ў далейшым вы будзеце права правіць слова Хрыстовай Ісціны, захоўваючы вернасць Маці-Царкве і свайму пакліканню.
Зважаючы на руплівае архіпастырскае служэнне і ў сувязі з адзначаемым Вамі юбілеем лічу справядлівым ганараваць Вас ордэнам свяціцеля Інакенція, мітрапаліта Маскоўскага і Каломенскага, II ступені».
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
