Пошук

Благачынны 3-й Мінскай раённай акругі протаіерэй Андрэй Круцялёў і старшыня Мінскага райвыканкама Уладзімір Юргевіч прынялі ўдзел у акцыі «Падары радасць бліжняму»

04 мая 2021

3 мая 2021 года настаяцель прыхода храма ў гонар Святой Жыццепачатнай Троіцы, благачынны 3-й Мінскай раённай акругі протаіерэй Андрэй Круцялёў і старшыня Мінскага раённага выканаўчага камітэта Уладзімір Юргевіч наведалі Дом-інтэрнат для састарэлых і інвалідаў «Камфортнае жыццё» ў Астрашыцка-Гарадоцкім сельскім савеце, а таксама аддзяленне кругласутачнага знаходжання для грамадзян пажылога ўзросту і інвалідаў Юзуфаўскага сельскага савета вёскі Гаек.

Візіт адбыўся ў рамках царкоўна-дзяржаўнай акцыі «Падары радасць бліжняму». Госці павіншавалі пажылых людзей са святам Светлага Хрыстова Уваскрасення, уручылі ім падарункі, цёпла пагутарылі з падапечнымі інтэрната і аддзялення, абмеркавалі з кіраўніцтвам устаноў планы далейшага супрацоўніцтва.

Church.by