Дэлегацыя Полацкай епархіі пабывала на міжнародным з'ездзе Садружнасці праваслаўнай моладзі
16 ліпеня 2019
Садружнасць праваслаўнай моладзі — гэта вялікая сям'я, якая аб'ядноўвае рабят з усіх куткоў зямлі: далёкага і блізкага замежжа, розных краін і кантынентаў. Вось ужо 12-ы раз Курская зямля прымае ўсіх удзельнікаў з'езда пад покрывам Багародзіцы ў Карэннай пустыні.
Сёлета ўдзел у з'ездзе прынялі Курская, Украінская, Беларуская, Екацярынбургская, Луганская, Данецкая, Крымская, Варонежская, Казанская дэлегацыі. Таксама прыбылі хлопцы і дзяўчаты з Пецярбурга, Аўстраліі, Канады і нават з Інданезіі і Паўднёвай Карэі.
Дэлегацыя Полацкай епархіі пачала сваё падарожжа з роднага горада, з кафедральнага сабора Богаяўлення. Адслужыўшы тут малебен, дзяўчаты адправіліся ў Курск. Пасля прыбыцця адбылася сустрэча з уладыкам Германам, мітрапалітам Курскім і Рыльскім, падчас якой слова было прадастаўлена кожнай з дэлегацый, а ўладыка мітрапаліт адказваў на ўсе пытанні, якія цікавілі моладзь.
Затым з паломніцкага цэнтра мітраполіі ўсе дэлегаты накіраваліся ў мужчынскую Курскую карэнную пустынь Нараджэння Прасвятой Багародзіцы, дзе першы дзень з'езда скончыўся вечарам знаёмстваў.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
