У Даравальную нядзелю Патрыяршы Экзарх узначаліў Бажэственную літургію ў кафедральным саборы Уваскрасення Хрыстова горада Барысава

Па завяршэнні богаслужэння яго Высокапраасвяшчэнства ўзнагародзіў старшыню Сінадальнага інфармацыйнага аддзела БПЦ, ключара кафедральнага сабора Уваскрасення Хрыстова горада Барысава іерэя Ігара Васько медалём Мар'інагорскай іконы Божай Маці II ступені.

На YouTube-канале Гомельскай епархіі выйшаў новы выпуск аўтарскага праекта «Духоўныя вандроўкі», прысвечаны Добрушскаму Макар'еўскаму манастыру [+відэа]

Сёння ад некалі слаўнай абіцелі засталіся толькі руіны, а яшчэ падчас абнаўленчага расколу гэты манастыр быў апорай Праваслаўя на Гомельшчыне. У 1928 годзе савецкая ўлада зачыніла манастыр. На яго месцы працаваў свінагадоўчы комплекс-саўгас «Харапуць», будынак храма пераабсталявалі пад інтэрнат для саўгасных рабочых. У нашы дні святое месца зноў збірае паломнікаў.

Настаяцельніца Беразвецкага жаночага манастыра ў гонар Архістратыга Божага Міхаіла горада Глыбокае ігумення Міхаіла (Суровцева) ўдастоена звання «Чалавек года Віцебшчыны-2022»

Пры яе апякунстве ў 2022 годзе на тэрыторыі манастыра было завершана ўзвядзенне храма ў гонар Архістратыга Божага Міхаіла.

Патрыяршы Экзарх узначаліў Бажэственную літургію ў храме ў гонар іконы Божай Маці «Знойдзенне загінуўшых» у горадзе Мінску

Пасля богаслужэння быў здзейснены чын на заснаванне храма ў гонар Нерукатворнага Вобраза Госпада Іісуса Хрыста.

У дзень памяці блажэнных Ксеніі Пецярбургскай і Валянціны Мінскай Мітрапаліт Веніямін здзейсніў Бажэственную літургію ў Свята-Духавым кафедральным саборы горада Мінска

6 лютага 2023 года, у дзень памяці блажэннай Ксеніі Пецярбургскай і блажэннай Валянціны Мінскай, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

У рамках дабрачыннай акцыі «Каляды прыходзяць да кожнага» падарункі атрымалі больш за 2000 чалавек

З 15 снежня 2022 года па 15 студзеня 2023 года гандлёвы цэнтр сталіцы Galleria Minsk сумесна з Брацтвам у гонар святога апостала Іаана Багаслова правялі маштабную дабрачынную акцыю «Каляды прыходзяць да кожнага» па зборы падарункаў і неабходных рэчаў для выхаванцаў дзіцячых дамоў, псіханеўралагічных і рэабілітацыйных цэнтраў, бальніц і шматдзетных сем'яў. У рамках акцыі падарункі атрымалі больш за 2000 чалавек.

Падпісана Пагадненне аб супрацоўніцтве паміж Мінскай духоўнай акадэміяй і Прэзідэнцкай бібліятэкай з Санкт-Пецярбурга

Пагадненне забяспечвае пастаянны аддалены доступ да рэсурсаў Прэзідэнцкай бібліятэкі з працоўных месцаў у чытальнай зале акадэмічнай бібліятэкі. Пошук ажыццяўляецца па базе, якая змяшчае больш за 770 тысяч бібліятэчных і 325 тысяч архіўных матэрыялаў, якія таксама сабраны ў тэматычныя калекцыі.

Мітрапаліт Веніямін прыняў удзел у святочным вечары, прымеркаваным да дня памяці святой роўнаапостальнай Ніны

Мерапрыемства было арганізавана аднайменным мінскім прыходам і Рэспубліканскім цэнтрам нацыянальных культур у горадзе Мінску.

Прадстаўнікі Беларускага Экзархату прынялі ўдзел у арганізаванай Сінадальным аддзелам па справах моладзі РПЦ канферэнцыі «Глабальныя выклікі сучаснасці і духоўны выбар маладога чалавека»

Вопытам рэалізацыі праектнай дзейнасці ў сферы маладзёжнага служэння з удзельнікамі канферэнцыі падзялілася старшыня Брацтва ў гонар святога апостала Іаана Багаслова Мінскай епархіі Марыя Шаплыка.

У свята Хрышчэння Гасподняга Мітрапаліт Веніямін здзейсніў Бажэственную літургію і вялікае асвячэнне вады ў храме ў гонар іконы Божай Маці «Усіх тужлівых Радасць» горада Мінска

Трансляцыя вялася на тэлеканале «Беларусь 3». Сурдапераклад ажыццяўлялі Валянціна Чудакова і іерэй Аляксандр Пранкевич, клірык храма абраза Божай Маці «Скорапаслушніца» у горадзе Гомелі.

У дзень памяці прападобнага Серафіма Сароўскага Мітрапаліт Веніямін здзейсніў Бажэственную літургію ў храме ў гонар прападобных Опцінскіх старцаў Серафімаўскага прыхода горада Мінска

15 студзеня 2023 года, у Нядзелю 31-ю пасля Пяцідзесятніцы, перад Богаяўленнем, дзень памяці прападобнага Серафіма Сароўскага, Цудатворца, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў храме ў гонар прападобных Опцінскіх старцаў Серафімаўскага прыхода горада Мінска.

У гадавіну скону Мітрапаліта Філарэта (Вахрамеева) адбыліся памінальныя набажэнствы ў Жыровіцкім манастыры [+відэа]

Пасля Бажэственнай літургіі Мітрапаліт Веніямін здзейсніў памінальную ліцію і чын асвячэння помніка на месцы спачыну незабыўнага Мітрапаліта Філарэта (Вахрамеева), першага Патрыяршага Экзарха ўсяе Беларусі.

У дзень памяці апостала першамучаніка і архідыякана Сцяфана Мітрапаліт Веніямін здзейсніў Бажэственную літургію ў Свята-Пакроўскім саборы горада Баранавічы

9 студзеня 2023 года, у дзень памяці апостала першамучаніка і архідыякана Сцяфана, Мітрапаліт Мінскі і Заслаўскі Веніямін, Патрыяршы Экзарх усяе Беларусі, у саслужэнні епіскапа Пінскага і Лунінецкага Георгія здзейсніў Бажэственную літургію ў Свята-Пакроўскім саборы горада Баранавічы.

У Бабруйску адбылася прэм'ера маштабнай музычнай пастаноўкі «Свяціцель Кірыл Тураўскі — залатавуст Белай Русі»

8 студзеня 2023 года ў Палацы мастацтваў горада Бабруйска адбылася прэм'ера музычнага спектакля «Свяціцель Кірыл Тураўскі — залатавуст Белай Русі», які падрыхтаваў праваслаўны тэатр «Убрус» пад кіраўніцтвам Людмілы Навумчык.

Каляднае пасланне Патрыяршага Экзарха ўсяе Беларусі Мітрапаліта Мінскага і Заслаўскага Веніяміна

Зноў мы з хваляваннем услухоўваемся ў ангельскія словы, якія абвяшчаюць пра найвялікшую падзею ў гісторыі чалавецтва: «Нарадзіўся вам сёння ў горадзе Давідавым Спасіцель, Які ёсць Хрыстос Гасподзь» (Лк. 2:11).