Ігумення Гродзенскага манастыра Нараджэння Багародзіцы ўзнагароджана медалём Францыска Скарыны
25 лютага 2019
Дзяржаўных узнагарод Беларусі ўдастоены 143 прадстаўніка розных сфер дзейнасці. Адпаведны ўказ падпісаў Кіраўнік дзяржавы Аляксандр Рыгоравіч Лукашэнка. Ордэны, медалі і ганаровыя званні прысуджаны за шматгадовую плённую працу, узорнае выкананне службовых абавязкаў, выключную адвагу і мужнасць, праяўленыя ў барацьбе са злачыннасцю, пры выратаванні людзей падчас пажару і ліквідацыі надзвычайных сітуацый, значны асабісты ўклад у забеспячэнне законнасці і правапарадку, рэалізацыю бюджэтна-фінансавай і падатковай палітыкі, развіццё машынабудавання, хімічнай прамысловасці, чыгуначнага транспарту і грамадзянскай авіяцыі, заслугі ў галінах будаўніцтва, гандлю, сацыяльнай абароны насельніцтва, аховы здароўя, навукі, адукацыі і культуры, паведамляе сайт Прэзідэнта Рэспублікі Беларусь.
У ліку ўзнагароджаных медалём Францыска Скарыны — ігумення Гродзенскага стаўрапігіяльнага жаночага манастыра Нараджэння Багародзіцы Гаўрыіла (Глухава).
Медаль Францыска Скарыны — першая па часе заснавання з сучасных беларускіх узнагарод. У прыватнасці, яна ўручаецца асобам, якія ўнеслі значны ўклад у развіццё і памнажэнне духоўнага і інтэлектуальнага патэнцыялу, культурнай спадчыны беларускага народа.
Нагадаем, што ігумення Гаўрыіла таксама з'яўляецца лаўрэатам прэміі Прэзідэнта Рэспублікі Беларусь «За духоўнае адраджэнне» 2013 года.
Фота: Гродзенская праўда
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
