Пошук

Мітрапаліт Веніямін прыняў удзел у святочным вечары, прымеркаваным да дня памяці святой роўнаапостальнай Ніны

28 студзеня 2023

27 студзеня 2023 года Патрыяршы Экзарх усяе Беларусі Мітрапаліт Мінскі і Заслаўскі Веніямін прыняў удзел у святочным вечары, прымеркаваным да дня памяці святой роўнаапостальнай Ніны, асветніцы Грузіі. Мерапрыемства было арганізавана аднайменным мінскім прыходам і Рэспубліканскім цэнтрам нацыянальных культур у горадзе Мінску.

Перад пачаткам вечара Патрыяршы Экзарх здзейсніў малебен святой роўнаапостальнай Ніне і асяніў прысутных крыжам, прывезеным з Грузіі і падораным мінскай парафіі. Дадзены крыж — дакладная копія крыжа з вінаграднай лазы, некалі ўручанага святой заступніцы Грузіі Прасвятой Багародзіцай. Патрыяршы Экзарх нагадаў удзельнікам сустрэчы некаторыя моманты жыцця роўнаапостальнай Ніны, асабліва падкрэсліўшы, што, будучы ўсяго толькі слабой жанчынай і нават чужаземкай, святая падзвіжніца, з глыбокай верай прытрымліваючыся волі Божай, змагла прасвятліць святлом Хрыстовым цэлы народ. Пасля богаслужэння Мітрапаліт Веніямін уручыў настаяцелю мінскага прыхода ў гонар святой роўнаапостальнай Ніны іерэю Аляксандру Грэчышнікаву залаты нагрудны крыж.

На мерапрыемстве прысутнічалі намеснік начальніка аддзела па каардынацыі ідэалагічнай работы, справах рэлігій і нацыянальнасцяў Мінгарвыканкама Кацярына Уладзіміраўна Каверына, прадстаўнікі міністэрстваў, намеснік кіраўніка адміністрацыі Фрунзенскага раёна горада Мінска Ірына Рыгораўна Савіцкая, дырэктар Рэспубліканскага цэнтра нацыянальных культур Вольга Вітальеўна Якабсан, старшыня Беларускай асацыяцыі дапамогі дзецям інвалідам і маладым інвалідам Фрунзенскага раёна Валянціна Андрэеўна Бурдзіс, дырэктар тэрытарыяльнага цэнтра сацыяльнага абслугоўвання Фрунзенскага раёна горада Мінска Таццяна Анатольеўна Куіш, старшыня грузінскага культурна-асветніцкага таварыства «Мамулі» Каха Пакацашвілі, намеснік старшыні Сінадальнага аддзела рэлігійнай адукацыі і катэхізацыі Беларускай Праваслаўнай Царквы і кіраўнік аддзела кірунку «Катэхізацыя асоб з абмежаванымі магчымасцямі здароўя» настаяцель прыхода ў гонар святой роўнаапостальнай Ніны горада Мінска іерэй Аляксандр Грэчышнікаў, настаяцель прыхода храма свяшчэннамучаніка Уладзіміра Хіраскі іерэй Дзмітрый Ворса, іерэй Аляксандр Чычуа-Гвазава (Грузія), запрошаныя святары, прадстаўнікі грузінскай дыяспары, госці вечара.

У памяць пра падзею дырэктар Рэспубліканскага цэнтра нацыянальных культур Вольга Вітальеўна Якабсан перадала ў дар Мітрапаліту Веніяміну пано з выявай фрагмента слуцкага пояса.

Падчас урачыстага вечара прыхода святой роўнаапостальнай Ніны ад імя грузінскай дыяспары ў Беларусі быў перададзены ў дар фрагмент валасоў святой Ніны. Паводле падання менавіта імі святая перавязала крыж, які цяпер захоўваецца ў Сіёнскім саборы ў Тбілісі. Святыню перадаў іерэй Аляксандр Чычуа-Гвазава.

На сцэне выступілі інклюзіўны хор пад кіраўніцтвам Алены Маславай і творчыя калектывы цэнтра нацыянальных культур.

У завяршэнне вечара айцец Аляксандр Грэчышнікаў ад імя прыхода падзякаваў усім за малітвы і ўдзел ва ўрачыстым вечары, пасля чаго прысутным на свяце дзецям, якіх акармляе прыход, былі ўручаны падарункі.

***

Новы праваслаўны прыход у гонар святой роўнаапостальнай Ніны з'явіўся ў горадзе Мінску ў канцы мінулага года. Абшчына аб'яднала жыхароў Фрунзенскага раёна сталіцы, якія пражываюць пераважна на вуліцы Харкаўскай. Жылы квартал даволі шырокі, ён размешчаны паміж станцыямі метро «Маладзёжная» і «Пушкінская».

Працы па арганізацыі парафіяльнага жыцця абшчыны святой роўнаапостальнай Ніны па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, нясе яе настаяцель – іерэй Аляксандр Грэчышнікаў. Малады прыход узяў на сябе важнае сацыяльнае служэнне па акармленню хворых з дзіцячым цэрэбральным паралічом і іх сем'яў.

Кантактны нумар тэлефона настаяцеля прыхода айца Аляксандра Грэчышнікава: +375 29 507 14 09

Старонка прыходу ў сацыяльнай сетцы Instagram: hram_nino_minsk 

 Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники

Фотарэпартаж