На YouTube канале БПЦ будзе трансліравацца Калядны вечар Хрысціянскага адукацыйнага цэнтра
22 студзеня 2021
Традыцыйны Калядны вечар Хрысціянскага адукацыйнага цэнтра імя святых Мяфодзія і Кірыла адбудзецца 22 студзеня 2021 года ў Вялікай зале Белдзяржфілармоніі. Праводзіцца мерапрыемства па благаславенню мітрапаліта Мінскага і Заслаўскага Веніяміна, Патрыяршага Экзарха ўсяе Беларусі.
Трансляцыя мерапрыемства будзе весціся ў прамым эфіры на афіцыйным YouTube канале Беларускай Праваслаўнай Царквы. Пачатак а 17:00.
На вечары прагучаць успаміны пра мітрапаліта Філарэта, заснавальніка і першага старшыні Хрысціянскага адукацыйнага цэнтра.
Таксама будуць уручаны дзве Калядныя прэміі Хрысціянскага адукацыйнага цэнтра «За асаблівы ўклад у справу хрысціянскай асветы і адукацыі, дбайнае служэнне Царкве Хрыстовай у справе выхавання моладзі, уклад у развіццё тэалагічнай адукацыі».
Працягне вечар канцэртная праграма «Музычнае прынашэнне», арганізаваная сумесна з Беларускім саюзам музычных дзеячаў.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
