Пошук

Патрыяршы Экзарх узначаліў прастольную ўрачыстасць у Свята-Духавым кафедральным саборы горада Мінска

13 чэрвеня 2022

13 чэрвеня 2022 года, у свята Святога Духа, мітрапаліт Мінскі і Заслаўскі Веніямін, Патрыяршы Экзарх усяе Беларусі, у саслужэнні епіскапа Слуцкага і Салігорскага Яўсевія здзейсніў Бажэственную літургію ў Свята-Духавым кафедральным саборы горада Мінска.

Архіпастырам саслужылі: рэктар Мінскай духоўнай акадэміі архімандрыт Афанасій (Сакалоў); старшыня Сінадальнага аддзела Беларускай Праваслаўнай Царквы па супрацоўніцтву са свецкімі ўстановамі адукацыі протаіерэй Фёдар Поўны; сакратар Мінскай епархіі протаіерэй Андрэй Волкаў; старшыня парафіяльнай рады сабора протаіерэй Уладзімір Увараў; благачынныя Мінскай епархіі і клірыкі Свята-Духава кафедральнага сабора.

Прамая трансляцыя набажэнства вялася на YouTube-канале Беларускай Праваслаўнай Царквы.

Дыяканскі чын узначаліў протадыякан Уладзімір Назараў.

Богаслужэбныя спевы выканаў архіерэйскі хор пад кіраўніцтвам Віталя Сабалеўскага.

На малым уваходзе, зважаючы на руплівую працу на карысць Царквы Хрыстовай, настаяцель храма іконы Божай Маці «Усецарыца» протаіерэй Кірыл Шолкаў быў удастоены права нашэння крыжа з упрыгожваннямі.

Пасля патроенай екценні была ўзнесена малітва аб аднаўленні міру.

Пропаведзь перад Прычасцем прамовіў протаіерэй Андрэй Волкаў.

Па заканчэнні Бажэственнай літургіі быў здзейснены малебны спеў з хрэсным ходам.

Затым мітрапаліт Веніямін павіншаваў духавенства і прыхаджан сабора са святам Святога Духа - прастольным святам кафедральнага сабора, а затым звярнуўся са словам настаўлення.

Далей Высокапраасвяшчэннейшы ўладыка адзначыў шэраг святароў Граматамі Патрыяршага Экзарха і падзякамі.

Таксама з прастольным святам сабора павіншаваў усіх прысутных епіскап Яўсевій.

У завяршэнне мітрапаліт Веніямін павіншаваў прычаснікаў з прыняццем Святых Хрыстовых Тайн і падаў вернікам архіпастырскае благаславенне.

Church.by 

Фотарэпартаж