Пошук

Патрыяршы Экзарх усяе Беларусі здзейсніў Бажэственную літургію ў храме ў гонар іконы Божай Маці «Усіх тужлівых Радасць» горада Мінска

07 лістапада 2021

7 лістапада 2021 года, у Нядзелю 20-ю пасля Пяцідзесятніцы, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў будуемым храме прыхода ў гонар абраза Божай Маці «Усіх тужлівых Радасць» горада Мінска.

Яго Высокапраасвяшчэнству саслужылі: старшыня Сінадальнага аддзела БПЦ па ўзаемадзеянні з казацтвам, старшыня Сінадальнага аддзела БПЦ па царкоўнаму мастацтву, архітэктуры і рэстаўрацыі, благачынны 2-й Мінскай гарадской акругі, настаяцель прыхода храма іконы Божай Маці «Усіх тужлівых Радасць» горада Мінска протаіерэй Ігар Карасцялёў; настаяцель адзінаверчага храма свяціцеля Міколы ў Студзянцах горада Масквы ігумен Пётр (Васільеў); сакратар Мінскай епархіі протаіерэй Андрэй Волкаў; дырэктар Мінскага духоўнага вучылішча, настаяцель храма Святога Духа пасёлка Гатава Мінскага раёна протаіерэй Іаан Задарожын, а таксама клірыкі храма і госці ў свяшчэнным сане.

Дыяканскі чын узначаліў протадыякан Уладзімір Назараў.

Літургічныя спевы выканаў хор пад кіраўніцтвам Вольгі Янум і дзіцячы хор нядзельнай школы прыхода пад кіраваннем Людмілы Літошык.

Прамая трансляцыя набажэнства вялося на YouTube-канале Беларускай Праваслаўнай Царквы.

Падчас богаслужэння былі ўзнесены асаблівыя малітоўныя прашэнні аб дараванні міру беларускаму народу і аб спыненні распаўсюджвання шкоднай павевы.

На малым уваходзе мітрапаліт Веніямін абвясціў указ аб узнагароджанні, зважаючы на руплівую працу на карысць Маці-Царквы і ў сувязі з 50-годдзем, клірыка парафіі протаіерэя Аляксандра Проніна правам служэння Бажэственнай літургіі з адкрытымі царскімі варотамі па «Іжэ херувімы...».

Пропаведзь перад Прычасцем прамовіў протаіерэй Аляксандр Пронін.

Па заканчэнні Бажэственнай літургіі былі ўручаны ўзнагароды Беларускай Праваслаўнай Царквы тым, хто асабліва папрацаваў на прыходзе ў славу Царквы Хрыстовай.

Затым Патрыяршы Экзарх павіншаваў прыхаджан з прастольным святам, якое адзначалася 6 лістапада, і выказаў пажаданне, каб гэтае свята дапамагло нам яшчэ больш усвядоміць, якую мы маем вялікую Хадайніцу перад Богам. А таксама зразумець, наколькі мы выкарыстоўваем тыя вялікія даброты, якія Гасподзь падрыхтаваў і падае нам з дапамогай Сваёй Прачыстай Маці. «Ці толькі шукаем і атрымліваем даброты, якія звязаны з вылячэннем ад хвароб, пераадоленнем жыццёвых цяжкасцяў і смуткаў? Ці ж мы знаходзім радасць проста ў тым, каб мець зносіны з Маці Божай у малітве, славасловіць Яе, дзякаваць за тое, што Яна з намі? Няхай жа наша шанаванне і пакланенне Маці Божай не замыкаецца толькі на тым, што трэба нам сёння і трэба нам у смутку. Няхай Божая Маці і ў смутку і ў радасці знаходзіцца з намі праз нашы малітвы, звернутыя да Яе з верай і глыбокай павагай!», — заклікаў мітрапаліт Веніямін.

У сваю чаргу настаяцель прыхода храма іконы Божай Маці «Усіх тужлівых Радасць» протаіерэй Ігар Карасцялёў Яго Высокапраасвяшчэнства падзякаваў за супольную малітву і адзначыў, што наступны год будзе асаблівым для прыхода — споўніцца 30 гадоў з таго моманту, як у спецыяльна абсталяваным намёце на месцы будучага храма пачалі рэгулярна здзяйсняцца Бажэственныя літургіі.

У завяршэнне ўладыка Экзарх павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Church.by 

Фотарэпартаж