Старшыня Сінадальнага інфармацыйнага аддзела БПЦ прыняў удзел у інфа-туры ў Малдову
16 снежня 2018
З 11 па 14 снежня старшыня Сінадальнага інфармацыйнага аддзела Беларускай Праваслаўнай царквы протаіерэй Сергій Лепін прыняў удзел у інфармацыйным туры для беларускіх СМІ і турыстычных кампаній «Малдова — турыстычны кірунак для грамадзян Рэспублікі Беларусь».
Арганізатарам паездкі выступіла Агенцтва па інвестыцыях Рэспублікі Малдова ў партнёрстве з Аб'яднаннем юрыдычных асоб «Нацыянальная асацыяцыя эканамічных агентаў турызму Малдовы» — ANAT, авіякампаніяй Belavia, міжнародным аэрапортам CHISINAU, пры падтрымцы Пасольства Рэспублікі Беларусь у Малдове, а таксама пры ўдзеле шэрагу іншых спонсараў і партнёраў.
Протаіерэй Сергій Лепін правёў сустрэчу з епіскапам Архейскім Сілуанам, вікарыем Кішынёўскай мітраполіі, з удзелам першага саветніка пасольства Беларусі ў Малдове Аляксандра Станіслававіча Істоміна. На сустрэчы былі абмеркаваны пытанні інфармацыйнага супрацоўніцтва Праваслаўных Цэркваў у Малдове і Беларусі, а таксама перспектывы паломніцтва.
Адбылася таксама сустрэча Старшыні СІНФА БПЦ з Надзвычайным і Паўнамоцным Паслом Рэспублікі Беларусь у Рэспубліцы Малдова Сяргеем Мікалаевічам Чычуком і прадстаўнікамі малдаўскага ўрада і бізнесу.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
