Прафесар Санкт-Пецярбургскай духоўнай акадэміі протаіерэй Георгій Мітрафанаў правёў дзве лекцыі ў Гродне
15 чэрвеня 2017
15 чэрвеня 2017 года па благаславенню архіепіскапа Гродзенскага і Ваўкавыскага Арцемія ў актавай зале царкоўна-прыхадскога комплексу Пакроўскага кафедральнага сабора горада Гродна адбылася лекцыя прафесара Санкт-Пецярбургскай духоўнай акадэміі, кандыдата філасофскіх навук, доктара багаслоўя протаіерэя Георгія Мітрафанава.
Лекцыя была прысвечаная тэме «Руская Праваслаўная Царква паміж лютым і кастрычнікам 1917 года». Яе слухачамі былі клірыкі Гродзенскай епархіі.
Падчас свайго выступлення айцец Георгій закрануў тэмы прыняцця падзей 1917 года паўнатой Рускай Праваслаўнай Царквы і Сінодам у прыватнасці, распавёў пра наступствы адрачэння імператара Мікалая II, а таксама аб падрыхтоўцы і правядзенні Памеснага Сабора.
Па заканчэнні лекцыі высокі госць адказаў на пытанні слухачоў.
Аналагічную лекцыю протаіерэй Георгій Мітрафанаў правёў ў Упраўленні Следчага камітэта Рэспублікі Беларусь па Гродзенскай вобласці.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
