Пошук

Рэктар Мінскай духоўнай акадэміі прыняў удзел у пасяджэнні камісіі Міжсаборнай прысутнасці па багаслоўю і багаслоўскай адукацыі

21 чэрвеня 2017

16 чэрвеня 2017 года ў канферэнц-зале Агульнацаркоўнай аспірантуры і дактарантуры імя святых роўнаапостальных Кірыла і Мяфодзія адбылося пасяджэнне камісіі Міжсаборнай прысутнасці Рускай Праваслаўнай Царквы па багаслоўю і багаслоўскай адукацыі пад старшынствам кіраўніка Аддзела знешніх царкоўных сувязяў Маскоўскага Патрыярхату, рэктара Агульнацаркоўнай аспірантуры і дактарантуры, старшыні Сінадальнай біблейска-багаслоўскай камісіі мітрапаліта Валакаламскага Іларыёна.

На працягу трох месяцаў, якія прайшлі з дня першага пасяджэння абноўленай камісіі, члены камісіі працавалі над тэмамі, прапанаванымі для абмеркавання прэзідыумам Міжсаборнай прысутнасці.

Ва ўступным слове мітрапаліт Валакаламскі Іларыён коратка паведаміў аб асноўных выніках на сённяшні момант. У прыватнасці, 31 сакавіка 2017 года праект дакумента «Малітоўная апека аб нехрышчоных» быў накіраваны ў сакратарыят Міжсаборнай прысутнасці. Яшчэ адзін дакумент — «Аб царкоўнай малітве за іншаслаўных хрысціян» — таксама будзе перададзены ў бліжэйшы час.

Камісія працягвае працу над тэмамі «Вучэнне Царквы аб цудзе», «Багаслоўе як навука», «Багаслоўскае асэнсаванне праблем біяэтыкі», «Хрысціянскі светапогляд і сучасныя выклікі навуковага і тэхналагічнага развіцця» і «Праваслаўнае асэнсаванне прычын экстрэмізму і тэрарызму».

Аб дзейнасці рабочых груп па разгляду пералічаных тым паведамленні зрабілі рэктар Санкт-Пецярбургскай духоўнай акадэміі архіепіскап Пецяргофскі Амвросій, прафесар В. М. Катасонаў, сакратар Сінадальнай біблейска-багаслоўскай камісіі А. В. Шышкоў. Адбылася дыскусія.

У рабоце камісіі прыняў удзел архімандрыт Сергій (Акімаў), рэктар Мінскай духоўнай акадэміі, загадчык кафедры біблеістыкі Агульнацаркоўнай аспірантуры і дактарантуры.

МінДА / Church.by