Пошук

Рэспубліканская навуковая канферэнцыя «Праваслаўе ў гістарычных лёсах славянскіх народаў» прайшла ў горадзе Брэсце

06 верасня 2023

5 верасня 2023 года на базе мемарыяльнага комплексу «Брэсцкая крэпасць — герой» адбылася рэспубліканская навуковая канферэнцыя «Праваслаўе ў гістарычных лёсах славянскіх народаў», прымеркаваная да 375-годдзя пакутніцкай смерці прападобнамучаніка Афанасія, ігумена Брэсцкага.

Мерапрыемства было арганізавана ў рамках супрацоўніцтва Брэсцкай епархіі і Сінадальнай гістарычнай камісіі Беларускай Праваслаўнай Царквы. Канферэнцыя аб'яднала прадстаўнікоў Брэсцкага дзяржаўнага ўніверсітэта імя А.С. Пушкіна, Брэсцкага дзяржаўнага тэхнічнага ўніверсітэта, духавенства Брэсцкай епархіі, прадстаўнікоў моладзевых брацтваў і сястрыцтваў міласэрнасці, кіраўнікоў і выкладчыкаў нядзельных школ Брэсцкай епархіі.

Працу канферэнцыі апярэдзіла выступленне хору духавенства Брэсцкай епархіі.

Затым з прывітальным словам да прысутных звярнуўся архіепіскап Брэсцкі і Кобрынскі Іаан.

У склад Прэзідыума ўвайшлі: архіепіскап Брэсцкі і Кобрынскі Іаан; выкладчык Мінскай духоўнай акадэміі і Мінскай духоўнай семінарыі протадыякан Павел Бубноў; намеснік старшыні Сінадальнай гістарычнай камісіі Беларускай Праваслаўнай Царквы, дацэнт кафедры царкоўнай гісторыі і царкоўна-практычных дысцыплін Мінскай духоўнай акадэміі Аляксандр Гронскі; дацэнт кафедры гісторыі Беларусі, археалогіі і спецыяльных гістарычных дысцыплін Гродзенскага дзяржаўнага ўніверсітэта імя Янкі Купалы Аляксандр Горны.

Напярэдадні памятнай даты асаблівая ўвага была ўдзелена разгляду прац і духоўнага шляху прападобнамучаніка Афанасія, ігумена Брэсцкага.

Пасля заканчэння працы канферэнцыі было зроблена агульнае фота.

Брэсцкая епархія/Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok