Сакратар Бабруйскага епархіяльнага ўпраўлення прыняў удзел у акцыі «Звон смутку»
22 чэрвеня 2017
22 чэрвеня 2017 года, у дзень усенароднай памяці ахвяр Вялікай Айчыннай вайны, у Бабруйскай крэпасці прайшоў мітынг-рэквіем з ускладаннем кветак да мемарыяла ахвярам нацызму.
У мерапрыемстве прынялі ўдзел прадстаўнікі гарадскіх улад, ветэранскіх і грамадскіх арганізацый, працоўных і навучальных калектываў горада.
Ад Бабруйскай епархіі ў мерапрыемстве прыняў удзел сакратар Бабруйскага епархіяльнага ўпраўлення, настаяцель Іверскага храма Бабруйска пратаіерэй Сергій Каравінскі.
Хвілінай маўчання бабруйчане ўшанавалі памяць ахвяр Вялікай Айчыннай вайны. Падчас акцыі быў спынены рух транспарту. Жалобным звонам гучалі званы храмаў Бабруйска.
Сёння ў горадзе адмененыя ўсе забаўляльныя мерапрыемствы.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
