Пошук

У Беларусь прыбыла дэлегацыя афонскага манастыра Ксенафонт

21 чэрвеня 2017

Для ўдзелу ў манаскай канферэнцыі «Прападобны Фёдар Студзіт — ігумен кінавійнага манастыра», якая адбудзецца ў Успенскім Жыровіцкім мужчынскім манастыры, 21 чэрвеня 2017 года ў Беларусь прыбыла дэлегацыя манастыра Ксенафонт (Святая Гара Афон). Узначаліў дэлегацыю архімандрыт Аляксій (Мандзірыс), ігумен манастыра. Суправаджаюць архімандрыта Аляксія насельнікі манастыра Ксенафонт — іераманах Давід і манах Феадосій.

У аэрапорце горада Мінска дэлегацыю сустрэў старшыня Сінадальнага аддзела па справах манастыроў і манаства Беларускага Экзархату епіскап Лідскі і Смаргонскі Парфірый.

У дзень прыезду госці наведалі Елісавецінскі жаночы манастыр, пазнаёміліся з укладам жыцця сясцёр, пабывалі ў манастырскіх майстэрнях. Прафесіяналізм майстроў мазаічнай майстэрні шырока вядомы не толькі ў нашай краіне, але і далёка за яе межамі. Для манастыроў Святой Гары Афон майстры Елісавецінскага манастыра таксама стваралі мазаічныя іконы. Архімандрыт Аляксій з браціяй з вялікай цікавасцю азнаёміліся з дзейнасцю майстэрняў. Сёстры Елісавецінскага манастыра пагутарылі ў фармаце інтэрв'ю з епіскапам Парфірыем і архімандрытам Аляксіем.

Падчас вячэры ў манастырскай трапезнай архімандрыт Аляксій пагутарыў з сёстрамі манастыра. Ігумен святагорскага манастыра падзякаваў сёстрам за іх маштабнае сацыяльнае служэнне і міласэрнасць. Айцец Аляксій адзначыў, што «Гасподзь наш Ісус Хрыстос паслужыў чалавеку не толькі словам, але і справай, і быў першы Челавекалюбец, чым усім нам падаў прыклад для пераймання. Часта бывае так, што ў нас ёсць словы, але няма спраў. Тут жа, у гэтай абіцелі, ёсць і першае і другое».

***

Архімандрыт Аляксій (свецкае імя Апосталас Мандзірыс) – ігумен манастыра Ксенафонт на Святой Гары Афон. Нарадзіўся 11 лістапада 1939 года ў горадзе Серрас ў сям'і набожных бацькоў. Атрымаўшы сярэднюю адукацыю, паступіў вучыцца ў Вышэйшую царкоўную школу вострава Тынас. Ва ўзросце 25 гадоў становіцца паслушнікам манастыра Вялікі Метэор. У 1967 годзе прыняў манаства і ў тым жа годзе быў пасвечаны ў іерадыякана і іераманаха мітрапалітам Триккийским і Стагонским Дыянісіям. У 1973 годзе абіраецца ігуменам манастыра Вялікі Метэор.

З 1973 года да сённяшняга дня архімандрыт Аляксій з'яўляецца ігуменам манастыра Ксенафонт. У абіцелі пад духоўным кіраўніцтвам архімандрыта Аляксія падвізаецца 50 манахаў. У 1981 годзе пры ўдзеле архімандрыта Аляксія у якасці кцітара і духаўніка быў арганізаваны жаночы манастыр у гонар святога Іаана Хрысціцеля ў Сідзіракастра, на мяжы Грэцыі і Балгарыі. У абіцелі пражывае 40 сясцёр.

Манастырскі хранограф / Church.by