Пошук

У дзень памяці свяціцеля Іаана Залатавуста мітрапаліт Павел здзейсніў Літургію ў храме ў гонар Святога Духа пасёлка Гатава

09 лютага 2019

9 лютага 2019 года, у дзень памяці свяціцеля Іаана Залатавуста, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме ў гонар Святога Духа пасёлка Гатава Мінскага раёна.

Патрыяршаму Экзарху саслужылі: сакратар Мінскай епархіі протаіерэй Андрэй Волкаў, настаяцель храма протаіерэй Іаан Задарожын, клірыкі прыхода і госці ў свяшчэнным сане.

За богаслужэннем маліліся: намеснік старшыні Мінскага раённага выканаўчага камітэта Ціханко Ірына Васільеўна, старшыня Навадворскага сельскага савета Шчогаль Алег Анатольевіч і іншыя высокія госці.

Пропаведзь перад Прычасцем прамовіў іерэй Аляксандр Грачышнікаў.

Богаслужэбныя спевы выканаў хор пад кіраўніцтвам Наталлі Мядзведзь.

Па заамвоннай малітве Патрыяршы Экзарх і саслужачыя святары здзейснілі чын слаўлення свяціцелю Іаану Залатавусту.

Па заканчэнні Бажэственнай літургіі мітрапаліт Павел павіншаваў прыхаджан са святам і звярнуўся са словам павучання. Уладыка Павел павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Church.by

Фотарэпартаж