У Гомельскай епархіі прайшоў зімовы злёт праваслаўнай моладзі

27 лютага 2019

top.jpg

24 лютага 2019 года ў ДУА «Сярэдняя школа № 24 горада Гомеля» па благаславенню архіепіскапа Гомельскага і Жлобінскага Сцяфана адбыўся традыцыйны зімовы злёт праваслаўнай моладзі Гомельскай епархіі, арганізаваны аддзелам па рабоце з моладдзю.

Прадстаўнікі розных моладзевых брацтваў Гомельскай епархіі з'ехаліся, каб разам адзначыць Дзень праваслаўнай моладзі, які быў усталяваны ў чэрвені 1992 года на 14-й Асамблеі Сусветнага праваслаўнага моладзевага руху з благаславення Прадстаяцеляў усіх Памесных Праваслаўных Цэркваў.

Асноўнай мэтай сустрэчы было знаёмства моладзі Гомельскай епархіі паміж сабой і з дзейнасцю адзін аднаго, абмен вопытам, развіццё творчых здольнасцяў.

Адкрыў злёт кіраўнік аддзела па рабоце з моладдзю Гомельскай епархіі іерэй Дзмітрый Мельнікаў. Ён адзначыў важнасць правядзення такіх сустрэч і іх станоўчы эфект для падрастаючага пакалення.

У праграму мерапрыемства ўвайшлі гульні на знаёмства, згуртаванне, творчыя заданні, віктарыны на веданне праваслаўнай культуры.

Моладзевыя брацтвы кожнага благачыння падрыхтавалі творчыя нумары, якія прадставілі ўсім удзельнікам злёту.

Усіх рабят чакаў святочны фуршэт, а таксама прызы, падарункі і падзякі ад аддзела па рабоце з моладдзю.

Мерапрыемства прайшло ў пазітыўнай, сяброўскай атмасферы.

Гомельская епархія / Church.by