Пошук

У Мінску адбудзецца міжнародная студэнцкая навуковая канферэнцыя «Хрысціянскія каштоўнасці ў культуры сучаснай моладзі»

21 кастрычніка 2021

3 снежня 2021 года ў Інстытуце тэалогіі імя святых Кірыла і Мяфодзія БДУ адбудзецца X міжнародная студэнцкая навуковая канферэнцыя «Хрысціянскія каштоўнасці ў культуры сучаснай моладзі».

Яе арганізатарамі выступаюць Інстытут тэалогіі імя святых Мяфодзія і Кірыла БДУ сумесна з Інстытутам гуманітарных навук ФДАОУ ВА «Балтыйскі федэральны ўніверсітэт імя Імануіла Канта» (г. Калінінград, Расія) і ФДБОУ ВА Ніжагародскі дзяржаўны педагагічны ўніверсітэт імя Казьмы Мініна (г. Ніжні Ноўгарад, Расія).

Да ўдзелу ў канферэнцыі запрашаюцца студэнты, магістранты і аспіранты вышэйшых свецкіх і духоўных навучальных устаноў Рэспублікі Беларусь і краін блізкага замежжа. У канферэнцыі таксама могуць прыняць удзел навучэнцы выпускных класаў агульнаадукацыйных школ і гімназій Рэспублікі Беларусь без публікацыі ў зборніку канферэнцыі.

У сувязі з каронавіруснай інфекцыіяй магчыма правядзенне канферэнцыі дыстанцыйна або ў гібрыдным фармаце.

Праблемнае поле канферэнцыі:

• Каштоўнасныя падставы моладзевай культуры ў сучасных умовах: Праблемы і перспектывы;
• Хрысціянскія каштоўнасці ў жыцці сучаснай моладзі: сям'я — прафесія — сацыяльнае служэнне;
• Хрысціянскія каштоўнасці ў кантэксце сучаснай моладзевай інтэрнэт-культуры;
• Хрысціянскія каштоўнасці ў сучасным мастацтве;
• Хрысціянскія каштоўнасці ў сучаснай адукацыі;
• Місіянерская дзейнасць Царквы і моладзевыя рухі;
• Хрысціянскія каштоўнасці ў беларускай культурнай традыцыі;
• Хрысціянскія каштоўнасці і актуальныя праблемы экалогіі;
• Рэлігійныя каштоўнасці ў сучасным свеце;
• Актуальныя праблемы сучаснага рэлігіязнаўства;
• Актуальныя праблемы сучаснай тэалогіі.

Больш падрабязна азнаёміцца з умовамі ўдзелу ў канферэнцыі можна на старонцы Інстытута тэалогіі імя святых Кірыла і Мяфодзія БДУ з сацыяльнай сеткі ВКонтакте.

theology.bsu.by/Church.by