У Мінскай духоўнай семінарыі падвялі вынікі навучальнага года

21 чэрвеня 2017

top.jpg

21 чэрвеня 2017 года ў Мінскай духоўнай семінарыі адбылося выніковае пасяджэнне Вучонага савета, якое ўзначаліў рэктар архіепіскап Навагрудскі і Слонімскі Гурый. У рабоце савета прынялі ўдзел усе прадстаўнікі прафесарска-выкладчыцкай карпарацыі семінарыі.

Пачалося пасяджэнне Вучонага савета з дакладу аб жыцці і дзейнасці Мінскай духоўнай семінарыі ў 2016/2017 навучальным годзе, які прадставіў першы прарэктар, прарэктар па вучэбнай рабоце протаіерэй Андрэй Цыгель.

Прарэктар па навуковай рабоце дацэнт А. В. Слесараў выступіў з справаздачным дакладам аб навуковай працы, які адлюстроўвае звесткі аб узаемадзеянні Мінскай духоўнай семінарыі са свецкімі вышэйшымі навучальнымі ўстановамі, праведзеных на базе семінарыі навуковых канферэнцыях, навуковай актыўнасці выкладчыкаў і студэнтаў.

Са справаздачай аб працы нядзельнай школы пры Мінскай духоўнай семінарыі выступіла загадчыца школай М. А. Сняжко.

Інфармацыю аб выніках паспяховасці і паводзінах студэнтаў багаслоўска-пастырскага аддзялення семінарыі дзённай формы навучання і экстэрнату ў 2016/2017 навучальным годзе прадставілі прарэктар па вучэбнай рабоце протаіерэй Андрэй Цыгель і прарэктар па выхаваўчай рабоце протаіерэй Віктар Васілевіч.

Па выніках даклада члены савета абмеркавалі пытанне існавання экстэрнату як формы навучання ў Мінскай духоўнай семінарыі, пасля чаго было прынята рашэнне аб адмене названай формы навучання як не адпаведаючай нормам, прынятым у сістэме вышэйшай адукацыі Рэспублікі Беларусь.

Аб выніках паспяховасці і дысцыпліны студэнтаў багаслоўска-пастырскага і багаслоўска-педагагічнага аддзяленняў семінарыі завочнай формы навучання ў 2016/2017 навучальным годзе далажыў загадчык аддзялення завочнага навучання протаіерэй Віктар Васілевіч.

Далей прарэктар па вучэбнай рабоце і загадчыкі кафедрамі далажылі аб выніках правядзення выніковага міждысцыплінарнага экзамену і абароны выпускных кваліфікацыйных работ бакалаўра студэнтамі багаслоўска-пастырскага аддзялення дзённай формы навучання і экстэрнату.

Загадчык аддзялення завочнага навучання і загадчыкі кафедрамі прадставілі інфармацыю аб выніках правядзення выпускнога комплекснага экзамену і абароны выпускных кваліфікацыйных работ бакалаўра студэнтамі завочнага аддзялення семінарыі.

Загадчык канцылярыяй Мінскай духоўнай семінарыі іерэй Яўген Саланкоў прапанаваў на абмеркаванне савета звесткі аб размеркаванні выпускнікоў 2016/2017 навучальнага года.

Аб рашэннях Рэктарскіх нарад ад 27 студзеня 2017 года (Пратакол № 9), ад 3 лютага 2017 года (Пратакол № 10), ад 17 лютага 2017 года (Пратакол №11), ад 31 сакавіка 2017 года (Пратакол № 12), ад 5 красавіка 2017 года (Пратакол № 13), 27 мая 2017 года (Пратакол № 14), 20 чэрвеня 2017 года (Пратакол №15) далажыў сакратар Вучонага савета протадыякан Георгій Пшанко.

Завяршылася пасяджэнне Вучонага савета разглядам прашэнняў і бягучых пытанняў.

МінДС / Church.by